________________
८५८
प्रज्ञापनासूत्रे
सद्धि रूवपरियारणं करेत्तए, ते णं तेहि देवेहिं एवं मणसीकए समाणे तव जाव उत्तरवेउब्वियाई रुवाई विउव्वंति, विउव्वित्ता जेणामेव ते देवा शेणामेव उवागच्छति उवागच्छिता तेसि देवाणं अदूरसामंते ठिच्चा ताई उरालाई जात्र मणोरमाइं उत्तरखेउब्वियाई रुवाई उव• सेमाणीओ उवदंसेमाणीओ चिति, तए णं ते देवा ताहिं अच्छराहिं सद्धि परियारणं करेंति, सेसं तं चेव जाव भुज्जो भुज्जो परिणमंति, तत्थ णं जे ते सदपरियारगा देवा तेसिं णं इच्छामणे - समुप्पज्जइ - इच्छामो णं अच्छराहिं सद्धिं सदपरियारणं करेत्तए, तए णं तेहिं देवेह एवं मणसीकए समाणे तहेव जाव उत्तरवेउब्वियाई रुवाई विउव्वंति, विउब्वित्ता जेणामेव ते देवा तेणामेव उवागच्छति उवागच्छित्ता तेसिं देवाणं अदूरसामंते ठिच्चा अणुत्तराई उच्चावयाई सदाई समुदीरेमाणीओ समुदीरेमाणीओ चिति, तए णं ते देवा ताहि अच्छराहिं सद्धिं सदपरियारणं करेंति सेसं तं चैव जाव भुजो भुजो परिणमंति, तत्थ णं जे ते मणपरियारगा देवा तेर्सि इच्छामणे समुप्पजई - इच्छामो णं अच्छराहिं सद्धिं मणपरियारणं करेत्तए, तए णं तेहि देवेह एवं मणसीकए समाणे खिप्पामेव ताओ अच्छराओ तत्थ गयाओ चैव समाणीओ अणुत्तराई उच्चात्रयाई मणाई संपहारेमाणीओ संपहारेमाणीओ चिति, तणं ते देवा ताहिं अच्छराहिं सद्धि मणपरियारगं करेंति, सेसं निरवसेसं तं चेत्र जात्र भुजो भुजो परिण मंति, एएसिं णं भंते! देवाणं कायपरियारगाणं जाव मणपरियारगाणं अपरियारगाण य कयरे कयरेहिंतो अप्पा वा बहुया वातुल्ला वा विसेसाहिया वा ? गोयमा ! सव्वत्थोवा देवा अपरियारगा, मणपरियारगा संखेजगुणा, सहपरियारणा असंखेज्जगुणा, रूपपरियारगा असंखेजगुणा, फारपरियारगा असंखेजगुणा, कायपरियारगा असंखेजगुणा ॥सू० ४ ॥
पण्णवणार परियारणापयं समत्तं ॥ ३४ ॥
શ્રી પ્રજ્ઞાપના સૂત્ર : ૫
