________________
प्रमेयबोधिनी टीका पद १२ सू० ६ प्रतरपूरणवक्तव्यनिरूपणम् ____ ४७५ जहा ओहिया ओरालियमुक्केल्लया, वेउव्विया आहारगा य बद्धेल्लगा जहा ओहिया ओरालियमुक्केल्लगा, तेयाकम्मगा जहा एएसिं चेय ओहिया ओरालिया, एवं जाव चउरिंदिया, पंचिंदियतिरिक्खजोणियाणं एवं चेव, नवरं वेउब्वियसरीरएसु इमो विसेसो पाँचदियतिरिक्खजोणि. याणं भंते ! केवइया वेउव्वियसरीरया पण्णत्ता ? गोयमा! दुविहा पण्णत्ता, तं जहा-बद्धेल्लगा य, मुक्केल्लगा य, तत्थ णं जे ते बद्धेल्लगा ते णं असंखेजा, जहा असुरकुमाराणं, णवरं तासिणं सेढीणं विक्खंभ. सूई अंगुलपढमवग्गमूलस्स असंखेजइभागो, मुक्केल्लगा तहेव, मणुस्साणं भंते ! केवइया ओरालियसरीरगा पण्णत्ता ? गोयमा! दुविहा पण्णत्ता, तं जहा-बोल्लगा य, मुक्केल्लगा य, तत्थ णं जे ते बद्धेल्लगा, ते णं सिय संखिजा, सिय असंखिजा, जहण्णपए संखेजा, संखेजाओ कोडाकोडीओ तिजमलपयस्स उवरिं चउजमलपयस्स हिट्ठा, अहवणं छट्ठो वग्गो पंचमवग्गपडुप्पण्णो अहवणं छण्णउईछेयणगदाइरासी, उक्कोसपए असंखिज्जा, असंखेजाहिं उस्सप्पिणिओसप्पिणीहिं अवहीरति कालओ, खेत्तओ रूवपक्खित्तेहिं मणुस्सेहि सेढी अवहीरइ, तीसे सेढीए आगासखेत्तेहिं अवहारो मग्गिजइ असंखेज्जा, असंखेजाहिं उस्सप्पिणिओसप्पिणीहिं कालओ, खेत्तओ अंगुलपढमवग्गमूलं तइयवग्गमूलपडुप्पण्णं, तत्थ गंजे ते मुक्केल्लगा ते जहा ओरालिया ओहिया मुक्केल्लगा, वेउव्वियाणं भंते ! पुच्छा, गोयमा ! दुविहा पण्णत्ता, तं जहा-चद्धेल्लगा य, मुक्केल्लगा य, तत्थ णं जे ते बद्धेल्लगा ते णं संखिजा, समए समए अवहीरमाणा अवहीरमाणा संखेज्जेणं कालेणं अवहीरंति, नो चेव णं अवहीरिया सिया, तत्थ णं जे ते मुक्केल्लगा ते णं जहा ओरालिया ओहिया, आहारगसरीरा जहा ओहिया, तेयाकम्मगा जहा-एएसिं चेव ओरालिया, वाणमंतराणं जहा नेरइयाणं ओरालिया, वेउब्वियसरीरगा जहा नेरइयाणं, नवरं तासिणं सेढीणं विक्खंभसूई संखेजजोयणसयवग्गपलिभागो पयरस्स मुकिल्लया
श्री प्रशान। सूत्र : 3
