________________
३२
प्रज्ञापनासूत्रे अष्टमं संज्ञापदम् मूलम्--कइणं भंते ! सन्नाओ पण्णत्ताओ ? गोयमा! दस सन्नाओ पण्णत्ताओ, तं जहा-आहारसन्ना १ भयसन्ना २ मेहुणसन्ना ३ परिग्गहसन्ना ४ कोहसन्ना ५ माणसन्ना ६ मायासन्ना ७ लोहसन्ना ८ लोयसन्ना ९ ओपलन्ना १०, नेरइयाणं भंते ! कइ सन्नाओ पण्णत्ताओ? गोयमा ! दलसन्नाओ पण्णत्ताओ तं जहा आहारसन्ना जाव ओघसन्ना, असुरकुमाराणं भंते कइ सन्नाओ पण्णताओ? गोयमा! दस सन्नाओ पण्णत्ताओ तं जहा-आहारसन्ना जाव ओघसन्ना, एवं जाव थणियकुमाराणं, एवं पुढविकाइयाणं, जाव वेमाणियावसाणाणं नेयव्वं, नेरइयाणं भंते ! किं आहारसन्नोव उत्ता, भयसन्नोवउत्ता, मेहुणसन्नोवउत्ता, परिग्गहसन्नोवउत्ता ? गोयमा ! ओसन्नं कारणं पड्डुच्च भयसन्नोव उत्ता, संतइभावं पडुच्च आहारसन्नोवउत्ता वि जाव परिग्गहसन्नोवउत्ता वि, एएसि णं भंते ! नेरइयाणं आहारसन्नोव उत्ताणं भयसन्नोवउत्ताणं, मेहुणसन्नोवउत्ताणं परिग्गहसन्नोवउत्ताण य कयरे कयरेहिंतो अप्पा वा, बहुया वा, तुल्ला वा, विसेसाहिया वा ? गोयमा । सव्वत्थोवा नेरइया मेहुणसनोवउत्ता, आहारसन्नोवउत्ता, संखिजगुणा, परिग्गृहसन्नोवउत्ता संखिज्जगुणा, भयसन्नोवउत्ता, संखिजगुणा, तिरिक्खजोणियाणं भंते ! किं आहारसन्नोव उत्ता जाव परिग्गहसन्नोवउत्ता ? गोयमा ! ओसन्नं कारणं पडुच्च आहारसन्नोवउत्ता, संतइभावं पडुच्च आहारसन्नोवउत्ता वि जाव परिगहतन्नोव उत्ता वि, एएसि णं भंते ! तिरिक्ख जोणियाणं आहारसन्नो वउत्ताणं जाव परिग्गहसन्नोवउत्ताण य कयरे कयरेहितो अप्पा वा, वहुया वा, तुल्ला वा, विसेसाहिया वा? गोयमा ! सव्वत्थोवा तिरिक्ख. जोणिया परिग्गहसन्नोवउत्ता, मेहुणसन्नोवउत्ता, संखेजगुणा, भयसन्नोवउत्ता संखिन्न गुणा, आहारसन्नोवउत्ता संखिज्जगुणा, मणुस्साणं भंते ! किं आहारसन्नोवउत्ता जाव परिग्गहसन्नोवउत्ता ? गोयमा! ओसन्न
શ્રી પ્રજ્ઞાપના સૂત્ર: ૩
