________________
९८०
प्रज्ञापनासूत्रे
"
"
सय सहस्साइं आयामविवखंभेणं एगा जोयणकोडी बायालीसं च सय सहस्साई, तीसं च सहस्साई दोन्नि य अउणापन्ने जोयणसए किंचि विसेसाहिए परिक्खेवेणं पण्णत्ता, ईसिप भाराए णं पुढवीए बहुमज्झदेसभाए अट्ट जोयणिए खेत्ते अट्टजोयणाई बाहल्लेणं पण्णत्ते, तओ अनंतरं च णं मायाए मायाए पएसपरिहाणीए परिहायमाणी परिहायमाणी सव्वेसु चरमंतेसु मच्छियपत्ताओ तगुययरी अंगुलस्स असंखेज्जइभागं बाहल्लेणं, पण्णत्ता, ईसीप भाराए णं पुढवीए दुवालस नामधिज्जा पण्णत्ता, तं जहा - ईसिइ वा, ईसिपव्भाराइ वा, तणूइ वा, ततणू वा, सिद्धित्ति वा सिद्धालए वा, मुत्तित्ति वा, मुत्तालएइ वा, लोयग्गेत्ति वा लोयग्गभियत्ति वा, लोयग्गपडिबुझाइ वा सव्वपाणभूयजीव सत्त सुहावहाइ वा, ईसिप्पभाराणं पुढवी सेया संखदल विमलसोत्थिय मुणालद्गरयतुसार गोक्खीरहारवण्णा, उत्ताणयछत्तसंठाणसंठिया सव्वज्जुणसुवण्णमई अच्छा, सवहा, लण्हा, घट्टा, मट्ठा, नीरया, निम्मला, निप्यंका निक्कंकडच्छाया सप्पभा, सस्सिरिया, सउज्जोया, पासाईया, दरिसणिज्जा, अभिरूवा, पडिरुवा, ईसिपब्भाराए णं पुढवीए सीयाए जोयणम्मि लोगंतो तस्स णं जोयणस्स जे से उवरिल्ले गाउए, तस्स णं गाउयस्स जे से उवरिल्ले छन्भागे एत्थ णं सिद्धा भगवंतो साइया अपज्जवसिया अणेग जाइमरणजोणिसंसारकलंकलीभाव पुणब्भवगन्भवासवसही पबंच समइक्कंता सासयमणागयद्वं कालं चिति, तत्थ वि य ते अवेया अवेयणा निम्ममा असंगा य संसारविमुक्का पएस निव्वत्तसंठाणा, कहिं पडिहया सिद्धा, कहिं सिद्धा पइट्टिया, कहिं बोंदि चइत्ताणं, कत्थगंतून सि
શ્રી પ્રજ્ઞાપના સૂત્ર : ૧