________________
८१०
प्रज्ञापनासूत्रे
भाणियव्त्रं इमेण विहिणा भूयाणं सुरूव पडिरुवा, जक्खाणं पुन्नभद्द माणिभद्दा, रक्खसाणं भीम महाभीमा, किन्नराणं किन्नर किंपुरिसा, किंपुरिसाणं सप्पुरिस महापुरिसा, महोरगाणं अइकाय महाकाया, गंधव्वाणं गीयरइ गीयजसा, जाव विहरइ, काले य महाकाले सुरूव पडिरू व पुन्नभद्दे य । तह चेव माणिभद्दे भीमे य तहा महाभीमे ॥ १४१ ॥ किन्नर किंपुरिसे खल सप्पुरिसे खलु तहा महापुरिसे । अइकाय महाकाए गीयरई चेव गीयजसे ॥ १४२॥ कहि णं भंते! अणवन्नियाणं देवाणं ठाणा पण्णत्ता ? कहि णं भंते ! अणवन्निया देवा परिवसंति ? गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सबाहलस्स उवरिं जाव जोयणसएसु, एत्थ णं अणवन्नियाणं देवाणं तिरियमसंखेज्जा नगरावाससहस्सा भवतीति मक्खायं, ते णं जाव पडिरुवा, एत्थ णं अणवन्नियाणं देवाणं ठाणा, उववाएणं लोयस्स असंखेज्जइभागे, समुग्धाएणं लोयस्स असंखेज्जइभागे, सट्टाणेणं लोयस्स असंखेज्जइभागे, तस्थ णं बहवे अणवणिया देवा परिवसंति महिड्डिया जहा पिसाया जाव विहरंति, सन्निहियसामाणा इत्थ दुवे अणवणिदा अणवन्नियकुमाररायाणो परिवसंति, महिड्डिया, एवं जहा काल महाकालाणं दोपहंपि दाहिणिल्लाणं उत्तरिल्लाण य भणिया तहा सन्निहिय सामाणानंपि भाणिययव्वा, संगहणीगाहा - अणवन्नियइसिवाइय भूयवाइया चेव । कंदिय महाकंदिय कोहंडा पयंगए चेव ॥ १४३ ॥ इमे इंदा संनिहिया सामाणा घायविधाए इसीयइसिवाले। ईसरमहेसरा हवइ सुवच्छे विसाले य ॥ १४४ ॥ हासे हासरई वियसेए य तहा भवे महासेए । पयए य पयंगवई य नेयव्वा आणुपुवीए || १४५॥ सू० २२||
શ્રી પ્રજ્ઞાપના સૂત્ર : ૧
