________________
प्रमेयबोधिनी टीका द्वि. पद २ सू.२१ वानव्यन्तरदेवानां स्थानानि
एत्थ णं बाणमंतराणं देवाणं पजत्तापज्जत्ताणं ठाणा पण्णत्ता, तिसु वि लोयस्त असंखेज्जइभागे, तत्थ णं बहवे वाणमंतरा देवा परिवसंति, तं जहा पिसाया भूया, जक्खा, रक्खसा किंकरा किंपुरिसा भुयगवइणो महाकाया, गंधब्वगणा य निउणगंधव्वगीयरइणो अणवपिणय पणवन्निय इसिवाइय भूयवाइय कंदिय महाकंदिया य कुहंडपयंगदेवा चंचलचलचवलचित्तकीलणदवप्पिया गहिरहसियगीयणच्चणरइवणमाला मे. लउडकुंडल सहछंद विउब्वियाभरणचारुभूसणधरा सब्वोउयसुरभि कुसुम सुरइयपलंब सोहंत कंत विहसंत चित्तवणमालरइयवच्छा कामकामाकामरुवदेहधारी णाणाविह वण्णरागवरवत्थ ललंतचित्तचिल्ललगनियंत्रणा विविह देसि नेवत्थगहियवेसा पमुइय कंदष्प कलह केलि कोलाहलप्पिया हासबोलबहुला असि - मुग्गरसत्तिकुंत हत्था, अणेग मणिरयणविविहनिज्जुत्तविचित्तचिंधगया महिड्डिया महज्जुइया महायसा, महाबला महाणुभागा, महासुक्खा हारविराइयवच्छा, कडयतुडिय थंभियभुया, संगयकुंडलमट्टगंडयल कन्नपीठधारी विचित्तहत्थाभरणा विचित्तमालामउली, कल्लाणगपवरवत्थपरिहिया कल्लाणगपत्ररमल्लाणुलेवणधरा, भासुरबोंदी पलंबवणमालधरा दिव्वेणं वण्णेणं दिव्वेणं गंधेणं दिव्वेणं फ़ासेणं दिव्वेणं संघयणेणं दिव्वेणं संठाणेणं, दिव्वाए इडीए दिव्वाए जुईए, दिव्वाए पभाए, दिव्वाए छायाए, दिव्वाए अच्चीए, दिव्वेणं तेएणं दिव्वाए लेस्साए दसदिसाओ उज्जोवेमाणा, पभासेमाणा तेणं तत्थ सा साणं असंखेज्जभोमेज्जनगरावास सयसहरसाणं साणं साणं सामाणियसाहस्सीणं साणं साणं अग्गमहिसीणं साणं साणं परिमाणं साणं साणं अणीयाणं, साणं साणं अणियाहि
શ્રી પ્રજ્ઞાપના સૂત્ર : ૧
७८९
