________________
प्रज्ञापनासूत्रे
कुंदुरुक्कतुरुक्क धूव मघमघंतगंधुद्ध्याभिरामा सुगंध वरगंधिया गंधवट्टिभूया अच्छा सण्हा लण्हा घट्टा मट्टा णीरया णिम्मला णिष्पंका निक्कंकडच्छाया सप्पभा सस्सिरीया समरीइया सउजोया पासाईया दरिसणिज्जा अभिरुवा पडिरुवा, एत्थ णं भवणवासि देवाणं पज्जत्तापज्जत्तगाणं ठाणा पण्णत्ता । उववाएणं लोयस्स असंखेज्जइभाए, समुग्धाएणं लोयस्स असंखेज्जइभाए, सट्टाणेणं लोयस्स असंखेज्जइभागे, तत्थ णं बहवे भवणवासी देवा परिवसंति तं जहा
असुरा नागसुवन्ना, विज्जू अग्गी य दीव उवहीय । दिसिपवणथणियनामा, दसहा एए भवणवासी ॥१॥
६७०
चूडामणिमउडरयणे भूसण णागफंड - गरुलै - वइर - पुण्ण कलसंके उप्फेसा सीह - मँगर - गयंक - अस्सवर - वद्धमाणं निजुत्त चित्तविधगया सुरूवा महिड्डीया महज्जुइया महब्बला महाजसा, महाणुभावा महासोक्खा हारविराइयवच्छा कडगतुडिय थंभियाभूया अंगय कुंडलम गंडयलकण्णपीठधारी विचि हत्थाभरणा विचित्तमालामउलिमउडा कल्लाणगपवरवत्थपरिहिया कल्लाणगपवर मल्लाणुलेवणधरा भासुरबोंदी पलंबचणमालधरा दिव्वेणं वण्णेणं, दिव्वेणं गंधेणं, दिव्वेणं फासेणं, दिव्वेणं संघयणेणं, दिव्वेणं संठाणेणं, दिव्वाए इडीए, दिव्वाए जुईए, दिव्वाए पभाए, दिव्वाए छायाए, दिव्वाए अच्चीए, दिव्वेणं तेएणं, दिव्वाए लेस्साए दसदिसाओ उज्जोवेमाणा पभासेमाणा ते णं तत्थ साणं साणं भवणावाससय सहस्ताणं, साणं साणं सामाणिय साहस्सीणं, साणं साणं तायत्तीसाणं, साणं साणं लोगपालाणं, साणं साणं अग्गमहिसीणं, साणं साणं परिसाणं, साणं साणं
શ્રી પ્રજ્ઞાપના સૂત્ર : ૧
