________________
प्रज्ञापनासूत्रे
रायगिह मगह, चंपा अंगा, तह तामलित्ति बंगा य । कंचणपुरं कलिंगा, वाणारसी चेय कासी य ॥१॥ साए य कोसला गय; पुरं च कुरु सोरियं कुसट्टा य। कंपिल्लं पंचाला, अहिछत्ता जंगला चेव ॥२॥ बोरवई सोरट्रा, मिहिले विदेहा य वच्छ कोसंबी । नंदिपुरं संडिल्ला, भदिलपुरमेव मलया य ॥३॥ वैइराड वच्छ वरणा, अँच्छा, तहमैत्तिया वइ दसण्णा । सोत्तियवई य चेदी, वीयभयं सिंघुसोवीरा ॥४॥ महुरा य सूरसेणा, पौवा भंगी य मासंपुरिवटा । सावत्थी य कुणाला, कोडी वैरिसं च लाटा य ॥५॥ सेविया वि य णयरी, केकय अद्धं च आरियं भणियं । इत्थुप्पत्ती जिणाणं, चक्कीणं रामकण्हाणं ॥६॥
से तं खेत्तारिया ॥१॥ से किं तं जाइ आरिया ? जाइ आरिया छव्यिहा पण्णत्ता, तं जहा-अंबटा य १, कलिंदा य २, विदेहा ३, वेदंगाइया ४। हरिया५ चुंचुणा६ चेय, छ एया इब्भजाईओ॥१॥ से तं जाइ आरिया२। से किं तं कुलारिया ? कुलारिया छव्विहा पण्णत्ता तं जहा-उग्गा भोगार राइन्ना३ इक्खागा४ णाया५ कोरबा६ । से तं कुलारिया।३। से किं तं कम्मारिया ? कम्मारिया अणेगविहा पण्णत्ता, तं जहा-दोसिया, सुत्तिया, कप्पासिया, सुत्तवेयालिया, भंडवेयालिया,कोलालिया, नरवाहणिया, जे यावन्ने तहप्पगारा । से तं कम्मारिया।४।से किं तं सिप्पारिया? सिप्पारिया अणेगविहा पण्णत्ता, तं जहा-तुण्णगा, तंतुवाया, पट्टागा, देयडा, वरुट्टा, छव्विया, कट्टपाउयारा, मुंजपा
શ્રી પ્રજ્ઞાપના સૂત્ર : ૧
