________________
६६
जीवाभिगमसूत्रे
यमूसिय पहसियाविव विविहमणिरयणभत्तिचित्ता वाउद्भूय विजयवेजयंती पडागछत्तातिछत्तकलिया तुंगा गगणतलमणुलिहंत सिहरा जालंतररयणपंजरुम्मिलियव्वमणिकणगधूभियागा वियसियसयपत्त पोंडरीयतिलगरयणद्धचंद चित्ता णाणामणिमयदामालंकिया अंतो य बाहिं सण्हा तवणिज्जरुइल वालुयपत्थडा सुहफासा सस्सिरीवरूवा पासाईया ४ । तेसि णं पासावडिंसगाणं उल्लोया पउमलया जाव सामलया भत्तिचित्ता सव्वतवणिज्जमया अच्छा जाव पडिरुवा । तेसि णं पासायवर्डिसगाणं पत्तेयं पत्तेयं अंतो बहुसमणिज्जे भूमिभागे पन्नत्ते, से जहा णामए आलिंगपुक्खरेइ वा जाव मणीहिं उवसोभिए, मणीणं गंधो वण्णो फासो य नेयव्वो । तेसि ण बहुसमरमणिज्जाणं भूमिभागाणं बहुमज्झदेसभाए पत्तेयं पत्तेयं मणिपेढिया पन्नत्ता, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं सव्वरयणामईओ जाव पडि - रुवाओ । तासि णं मणिपेढियाणं उवरिं पत्तेयं पत्तेयं सीहासणे पन्नते, तेसि णं सीहासणाणं अयमेयारूवे वण्णावासे पन्नत्ते, तं जहा - तवणिजमया चक्कवाला रययामया सीहा सोवण्णिया पादा णाणामणिमयाई पायपीठाई जंबूणयमयाई गत्ताई वइरामया संधी णाणामणिमए वेच्चे, ते णं सीहासणा इहामिय उसभ जाव पउमलयभत्तिचित्ता ससारसारोवइय विविहमणिरयणपायपीठा, अच्छरगमिउमसूरग नवतयकुसंतलिच्च सीहकेसरपच्चुत्थताभिरामा उवचिय खोमदुगुल्लयपडिच्छायणा सुविरइयरयत्ताणा रत्तंसुयसंवुया सुरम्मा आईणगरूयबूरणवणीय तूलमउयफासा मउया पासाईया ४ । तासि णं सीहा
જીવાભિગમસૂત્ર
