________________
जीवाभिगमसूत्रे एगेणं वणसंडेणं दोण्ह वि वण्णओ। कालोयस्स णं भंते ! समुदस्स कइ दारा पन्नत्ता गोयमा ! चत्तारि दारा पन्नत्ता तं जहा-विजए वेजयंते-जयंते अवराजिए । कहि णं भंते। कालोयस्स समुदस्स विजए णामं दारे पन्नत्ते ? गोयमा! कालोए समुद्दे पुरथिमपेरंते पुक्खरवरदीवपुरस्थिमद्धस्स पञ्चत्थिमेणं सीओदाए महाणईए उपि एत्थ णं कालोयस्स समुदस्स विजए णामं दारे पण्णत्ते । अठेव जोयणाइं तं चेव पमाणं जाव रायहाणीओ । कहि णं भंते ! कालोयस्स समुदस्स वेजयंते णामं दारे पन्नत्ते ? गोयमा ! कालोयसमुदस्स दक्खिणपरंते पुक्खरवरदीवस्स दक्षिणद्धस्स उत्तरेणं एत्थ णं कालोयसमुदस्स वेजयंते नामं दारे पन्नत्ते । कहि णं भंते ! कालोयसमुदस्स जयंते नामं दारे पण्णत्ते ? गोयमा ! कालोयसमुदस्स पञ्चस्थिमपेरंते पुक्खरवरदीवस्स पञ्चत्थिमद्धस्स पुरस्थिमेणं सीयाए महाणईए उपिं जयंते णामं दारे पन्नत्ते। कहिणं भंते ! अपराइए णामं दारे पन्नत्ते ? गोयमा ! कालोयसमुदस्स उत्तरद्धपेरंते पुक्खरवरदीवोत्तरद्धस्स दाहिणओ एत्थ णं कालोयसमुदस्स अपराजिए णामं दारे पन्नत्ते सेसं तं चेव । कालोयस्स णं भंते ! समुदस्स दारस्स य २ एस णं केवइयं २ अबाहाए अंतरे पन्नत्ते ? गोयमा! बावीससयसहस्सा बाणउइ खल भवे सहस्साइं। छच्च सया छायाला दारंतरं तिन्नि कोसा य ॥१॥ दारस्स य अवाहाए अंतरे पन्नत्ते। कालोयस्स णं भंते ! समुदस्स पएसा पुक्खरवर दीव० तहेव । एवं पुक्खरखरदीवस्स वि जीवा उदाइत्ता २ तहेव भाणियव्वं । से केणट्रेणं भंते ! एवं वुच्चइ कालोए समुद्दे २ गोयमा । कालोयस्सणं समुदस्स उदगे आसले-मासले-पेसले कालए भासरासि वण्णामे पगईए उदगरसेणं पन्नत्ते काल-महाकाला एत्थ दुवे
જીવાભિગમસૂત્ર
