________________
४०४
जीवाभिगमसूत्रे ____मूलम्-कहिणं भंते ! उत्तरकुराए कुराए जमगा नामं दुबे पव्वया पन्नत्ता? गोयमा! नीलवंतस्स वासधरपव्वयस्स दाहिणेणं अट चोत्तीसे जोयणसते चत्तारिय सत्तभागे जोयणस्स अबाधाए सीताए महाणईए पुठ्वपच्छिमेणं उभयो कूले एत्थणं उत्तरकुराए जमगा णामं दुवे पव्वया पन्नत्ता एगमेगं जोयणसहस्सं उठें उच्चत्तेणं अड्डाइजाइं जोयणसयाणि उव्वेहेणं मूले एगमेगं जोयणसहस्सं आयामविक्खंभेणं मूले तिणि जोयणसहस्साइं एगं च बावदि जोयणसतं किंचि विसेसाहियं परिक्खेवेणं मझे दो जोयणसहस्साई तिन्नि बावत्तरे जोयणसते किंचि विसेसाहिए परिक्खेवेण पन्नत्ते उबरि पन्नरसं एकासीते जोयणसते किंचि विसेसाहिए परिक्खेवेणं पन्नत्ते मूले विच्छिन्ना मज्झे संखित्ता उपि तणुया गोपुच्छ संठाणसंठिया सव्वकणगमया अच्छा सण्हा जाव पडिरूवा पत्तेयं पत्तेयं पउमवरवेइया परिक्खित्ता पत्तेयं पत्तेयं वणसंडपरिक्खित्ता वण्णओ दोण्हवि तेसिणं जमगपव्वयाणं उप्पिं बहुसमरमणिज्जे भूमिभागे पन्नत्ते वण्णओ जाव आसयंति०॥ तेसिणं बहुसमरमणिज्जाणं भूमिभागाणं बहुमज्झदेसभाए पत्तेयं-२ पासायवडे. सगा पन्नत्ता तेणं पासायवडेंसगा बावर्टि जोयणं च उड्ढं उच्चत्तेणं एकतीसं जोयणाई कोसं च विक्खंभेणं अब्भुगय. मूसिया वण्णओ भूमिभागा उल्लोया दो जोयणाई मणिपेढियाओ वरसीहासणा सपरिवारा जाव जमगा चिटुंति । से केणट्रेणं भंते एवं वुच्चइ जमगा पव्वया-२ गोयमा! जमगेसुणं पठवएसु तत्थ तत्थदेसे तहिं तहिं बहुइओ खुड्डा खुड्डियाओ बावीओ जाव विलपंतियाओ तासुणं खुड्डा खुड्डियासु जाव बिलपंतियासु बहुइं उप्पलाइं-२ जाव सतसहस्सपत्ताइं जमग
જીવાભિગમસૂત્ર
