________________
प्रमेयद्योतिका टीका प्र.३ उ.३ सू.६९ विजयदेवस्य कामदेवप्रतिमापूजनम् ३६३ पक्तिः , उत्तरद्वार-पौरस्त्यद्वारं शेषं तथैव क्रमेण यावत्पौरस्त्या नन्दापुष्करिणी यत्रैव सभासुधर्मा तत्रैव प्रधावितवान् गमनाय ।। सू० ६८ ।। ___टीका-व्याख्यानिगदसिद्धाः इति ।।
मूलम्-तएणं तस्स विजयस्स देवस्स चत्तारि सामाणिय साहस्सीओ एयप्पभि २ जाव सव्वड्डिए जाव णाइरवेणं जेणेव सभासुहम्मा तेणेव उवागच्छइ उवागच्छित्ता तं सभं सुधम्म अणुपयाहिणी करेमाणे२ पुरथिमिल्लेणं अणुपविसइ अणुपविसित्ता आलोए जिणसकहाणं पणामं करेइ करेत्ता जेणेव मणिपेढिया जेणेव माणवचेइयखंभे जेणेव वइरामया गोलवट्ठ समुग्गका तेणेव उवागच्छइ उवागच्छित्ता लोमहत्थयं गेण्हइ गेण्हित्ता वइरामए गोलवदृसमुग्गए लोमहत्थए पमज्जइ पमज्जित्ता वइरामए गोलवदृसमुग्गए विहाडेति बिहाडेत्ता जिणसकहाओ लोमहत्थएणं पमज्जइ पमज्जेत्ता सुरभिणा गंधोदएणं तिसत्तखुत्तो जिणसकहाओ पक्खालेति पक्खालेत्ता सरसेणं गोसीसचंदणेणं अणुलिंपइ अणुलिंपेत्ता अग्गेहिं वरेहिं गंधेहिं मल्लेहिय अच्चिणइ अच्चिणेत्ता धूवं दलयइ धूवं दलइत्ता वइरामएसु गोलवट्ट समुग्गएसु पडिणिक्खमइ पडिणिक्खमेत्ता माणवकं चेइयखंभं लोमहत्थएणं पमज्जइ पमज्जेत्ता दिव्वाए उदगधाराए अब्भुक्खेइ अब्भुखेत्ता सरसेणं गोसीसचंदणेणं चच्चए दलयइ चच्चए दलइत्ता पुप्फ़ारुहणं जाव आसत्तोसत्त० कयगह० धूवं दलयइ धूवं दलएत्ता जेणेव सभाए सुधम्माए बहुमज्झदेसभाए तं चेव जेणेव सीहासणे तेणेव जहा दारच्चाणित्ता जेणेव देवसयणिज्जे तं चेव जेणेव खुड्डागे महिंदज्झए तं चेव जेणेव पहरणकोसे चोप्पाले तेणेव उवागच्छइ तेणेव उवागच्छित्ता पत्तेयं पत्तेयं पहरणाई लोमहत्थएणं पमज्जति पमज्जित्ता सरसेणं गोसीसचंदणेणं तहेव सव्वं सेसंपि दाहिणिल्लं दारं आदि काउं तहेव णेयव्वं जाव पुरच्छिमिल्लाणंदार
જીવાભિગમસૂત્ર
