________________
प्रमेयद्योतिका टीका प्र.३ उ.३ सू. ५९ विजया रा. स्थलं विस्तारादिकं च १२९ तिरियमसंखेज्जे दीवसमुद्दे वीतिवइत्ता अण्णमि जंबुद्दीवे दीवे बारसजोयणसहस्साइं ओगाहित्ता, एत्थ णं विजयस्स देवस्त विजया णाम रायहाणी पन्नत्ता, बारसजोयणसहस्साइं आयामविखंभेणं सत्ततीस जोयणसहस्साइं नव य अडयाले जोयणसए किंचि विसेसाहिए परिक्खेवेणं पन्नत्ता ॥ सा णं एगेणं पागारेणं सव्वओ समंता संपरिक्खित्ता। से णं पागारे सत्ततीसं जोयणाइं अद्धजोयणं च उडूं उच्चत्तेणं मूले अद्ध तेरस जोयणाइं विक्खंभेणं, मज्झेत्थ सक्कोसाइं छजोयणाइं विक्खं भेणं, उपि तिणि सद्धकोसाइं जोयणाई विक्खंभेणं म्ले विच्छिण्णे मज्झे संखित्ते उप्पि तणुए बाहिं वट्टे अंतो चउरंसे गोपुच्छ संठाणसंठिए सव्वकणगामए अच्छे जाव पडिरूवे । से णं पागारे णाणाविह पंचवण्णेहिं कविसीसएहिं उवसोभिए, तं जहा किण्हेहिं जाव सुकिल्लेहिं । ते णं कविसीसगा अद्धकोसं आयामेणं पंचधणुसयाइं विखंभेणं देसोणमद्धकोसं उड़ उच्चत्तेणं सबमणिमया अच्छा जाव पडिरूवा। विजयाएणं रायहाणीए एगमेगाए बाहाए पणुवीसं पणुवीसं दारसयं भवंतीति मक्खायं ॥ तेणं दारा बावर्टि जोयणाइं अद्धजोयणं च उड्ढे उच्चत्तेणं एकतीसं जोयणाई कोसं च विक्खंभेणं तावइयं चेव पवेसेणं सेया वरकणगथूभिया ईहा मिय तहेव जहा विजए दारे जाव तवणिज्जवालुग पत्थडा सुहफासा सस्सिरीया सुरूवा पासाईया४॥ तेसि णं दाराणं उभयपासिं दुहतो णिसीहियाए दो दो चंदणकलसपरिवाडीओ पण्णत्ताओ तहेव भाणियव्वं जाव वणमालाओ ॥ तेसि णं दाराणं उभयो पासिं दुहतो णिसीहियाए दो दो पगंठगा पन्नत्ता, तेणं पगंठगा एकतीसं जोयणाई कोसं च आयामविखंभेणं पन्नरसजोयणाई
जी०१७
જીવાભિગમસૂત્રા
