________________
१४०२
जीवाभिगमसूत्रे सव्वजीवा पन्नत्ता तं जहा सुहमा बायरा नो सुहमा नो बायरा । सुहुमेणं भंते ! सुहुमेत्ति कालओ केवच्चिरं होइ गोयमा । जहन्नेण अंतोमुहत्तं-उक्कोसेणं असंखेज काल पुढवीकालो, बायरा जहन्नेण अंतो मुहत्तं उक्कोसेणं असंखिज्जं कालं असंखिज्जाओ उस्सप्पिणी ओ सप्पिणीओ कालओ खेत्तओ अंगुलस्स असंखिज्जइभागो नो सुहुम नो बायरए साइए अपज्जवसिए । सुहमस्स अंतरं बायरकालो, बायरस्स अंतरं सुहुमकालो तइयस्स नो सुहुम नो वायरस्स अंतरं नस्थि । अप्पाबहु०सव्वत्थोवा नो सुहुमा नो बायरा अणतगुणा । सुहमा असंखेजगुणा। अहवा तिविहा सव्वजीवा पन्नत्ता तं जहा-सण्णी असण्णी नो सन्नी नो असन्नी । सन्नी णं भंते ! कालओ केवच्चिरं होइ ? जहन्नेणं अंतोमुहत्तं उक्कोसेणं सागरोवमसयपुहत्तं साइरेगं। असण्णी जहणणेणं अंतोमुहत्तं उकोसेणं वणस्सइकालो। नो सन्नी नो असन्नी साइए अपज्जवसिए। सण्णिस्स अंतरं जहन्नेणं अंतोमुहत्तं-उक्कोसेणं वणस्सइ. कालो, असण्णिस्स अंतरं जहणणेणं अंतोमुहत्तं-उक्कोसेणं सागरोवमसयपुहुत्तं साइरेगं । तइयस्स नत्थि अंतरं । अप्पाबहु० सव्वत्थोवा सण्णी नो सन्नी नो असण्णी अणंतगुणा असण्णी अणंतगुणा । अहवा तिविहा सबजीवा पन्नत्ता तंजहा-भवसिद्धिया अभवसिद्धिया नो भवसिद्धिया नो अभवसिद्धिया, अणाइया सपज्जवसिया भवसिद्धिया, अणाइया अपज्जवसिया अभवसिद्धिया, साई अपजवसिया नो भवसिद्धिया नो अभवसिद्धिया । तिण्हपि णस्थि अंतरं । अप्पाबहु० सव्वत्थोवा अभवसिद्धिया नो भवसिद्धिया नो अभवसिद्धिया अणंतगुणा। भवसिद्धिया अणंतगुणा। अहवा तिविहा सव्वजीवा पन्नत्ता-तं जहा-तसा, थावरा, नो तसा, नो थावरा !
ध्या असाद्वयानो अप्पावर
જીવાભિગમસૂત્ર
