________________
प्रमेयद्योतिका टीका प्र. ४ सू.१२६ पञ्चविधसंसारसमापन्नकजीवनि०
॥ अथ पंचविध जीवाख्या चतुर्थी प्रतिपत्तिः ।। तदेवमुक्ता चतुर्विधजीवप्रतिपादिका तृतीया प्रतिपत्तिः संप्रति-क्रमप्राप्तां पञ्चविध जीवप्रतिपादिकां चतुर्थी प्रतिपत्तिमाह -
११३७
1
मूलम् - तत्थ णं जे ते एवमाहंसु - पंचविहा संसारसमा - वण्णगा जीवा पन्नत्ता ते एवमाहंसु तं जहा - एगिंदिया, बेईदिया, तेइंदिया, चउरिंदिया, पंचिंदिया से किं तं एगिंदिया ? एगिंदिया दुविहा पन्नत्ता तं जहा - पजत्तगा य, अपज्जत्तगा य । एवं जाव पंचिंदिया य दुविहा पज्जत्तगाय अपज्जत्तगाय एगिंदियस्स णं भंते! केवइयं कालं ठिई पन्नत्ता ? गोयमा ! जहन्नेणं अंतो मुद्दत्तं उक्कोसेणं बावीसं वाससहस्साई । बेईदिय० जहन्नेणं अंतो भुहुत्तं उक्कोसेणं बारस संवच्छराई, एवं तेईदियस गूणपणं राई दियाई, चउरिदियस्स छम्मासा, पंचिदियस्स जहन्नेणं अंतो मुद्दत्तं उक्कोसेणं तेत्तीस सागरोवमाई, अपजत्तग एगिंदियस्स णं केवइयं कालं ठिई पन्नत्ता ? गोयमा ! जहन्नेणं अंतो मुहुत्तं-उक्कोसेण वि अंतो मुहुत्तं एवं सव्वेसिं, पजत्तग एगिंदियाणं जाव पंचिंदियाणं पुच्छा, जहनेणं अंतो मुद्दत्तं उक्कोसेणं बावीसं वाससहस्साइं अंतो मुहुत्तोणाई, एवं उक्कोसिया वि ठिई अंतो मुहुत्तोणा सव्वेसिं पजत्तगाणं कायव्वा । एगिंदिए णं भंते! एगिंदिय त्ति कालओ केवच्चिरं होइ ? गोयमा ! जहन्नेणं अंतो मुहुत्तं - उक्कोसेणं areas कालो । बेइदियस्स णं भंते! बेइंदिय ति कालओ केवच्चिरं होइ ? गोयमा ! जहन्नेणं अंतो मुहुत्तं, -उक्कोसेणं संखेज्जं कालं जाव चउरिंदिए संखेज्जं कालं, पंचिदिए णं भते ! पंचिदिए त्ति कालओ केवश्चिरं होई ? गोयमा ! जहनेणं अंतो मुहुत्तं उक्कोसेणं सागरोवमसहस्सं साइरेगं । एगिंदिए णं अपजतए णं भंते! कालओ केवच्चिरं होइ ? गोयमा !
जी० १४३
જીવાભિગમસૂત્ર
