________________
प्रमेयद्योतिका टीका प्र.३ उ.३ सू.१२१ देवविमानपृथिव्याः बाहल्यादिकम् १०५७ सोहम्मीसाणेसु देवाणं सरीरगा कि संठिया पन्नत्ता? गोयमा दुविहा सरीरा भवधारणिजा य, उत्तरवेउव्विया य, तत्थ णं जे ते भवधारणिज्जा ते समचउरंससंठाणसंठिया पन्नत्ता, तत्थ णं जे ते उत्तरवेउव्विया ते णाणा संठाणसंठिया पन्नत्ता जाव अच्चुओ, अवेउव्विया गेविजणुत्तरा, भवधारणिज्जा समचउरंससंठाणसंठिया उत्तरवेउव्विया णत्थि । सोहम्मीसाणेसु देवा केरिसया वण्णेणं पन्नत्ता ? गोयमा ! कणगत्तयरत्ताभा । वण्णेणं पन्नत्ता । सणंकुमारमाहिदेसु णं पउमपम्हगोरा वण्णणं पन्नत्ता। बंभलोए णं भंते! गोयमा। अल्लमधुगवण्णाभा वण्णेणं पन्नत्ता एवं जाव गेवेज्जा, अणुत्तरोववाइया परमसुकिल्ला वण्णेणं पन्नत्ता। सोहम्मीसाणेसु णं भंते ! कप्पेसु देवाणं सरीरगा केरिसया गंधेणं पन्नत्ता ? गोयमा! से जहा णामए कोट्रपुडाण वा तहेव सव्वं जाव मणामतरगा चेव वण्णेणं पन्नत्ता, जाव अणुत्तरोववाइया। सोहम्मीसाणेसु णं देवाणं सरीरगा केरिसया फासेणं पन्नत्ता ? गोयमा ! थिरमउयणिद्धसुकुमालछविफासेणं पन्नत्ता, एवं जाव अणुत्तरोववाइया। सोहम्मीसाण देवाणं केरिसया पोग्गला उस्सासत्ताए परिणमंति? गोयमा ! जे पोग्गला इट्टा कंता जाव एएसिं उस्सासत्ताए परिणमंति जाव अणुत्तरोववाइया, एवं आहारत्ताए वि जाव अणुत्तरोववाइया । सोहम्मीसाण देवाणं कइ लेस्साओ ? गोयमा । एगा तेउलेस्सा पन्नत्ता । सणकुमारमाहिदेसु एगा पम्हलेस्सा, एवं बंभलोगे वि पम्हा, सेसेसु एका सुक्कलेस्सा, अणुत्तरोववाइयाणं एका परमसुकलेस्सा। सोहम्मिसाणं देवा किं सम्मदिट्ठी-मिच्छादिट्ठी सम्ममिच्छादिट्ठी? तिणि वि, जाव अंतिम
जी० १३३
જીવાભિગમસૂત્ર
