________________
१०५६
जीवाभिगमसूत्रे च्छिमवजिएसु, उववाओ वक्तीगमेणं जाव अणुत्तरोववाइया० । सोहम्मीसाणेसु देवा एगसमएणं केवइया उवयज्जति ? गोयमा! जहन्नेणं एको वा दो वा तिणि वा उक्कोसेणं संखेज्जा वा असंखेज्जा वा उववज्जंति, एवं जाव सहस्सारे, आणयादिगेवेज्जा अणुत्तरा य एको वा दो वा तिन्नि वा उक्को. सेणं संखेजा वा उववज्जंति । सोहम्मीसाणेसु णं भंते! देवा समए समए अबहीरमाणा अवहीरमाणा केवइएणं कालेणं अवहिया सिया ?, गोयमा ! ते णं असंखेजा समए २ अवहीरमाणा २ असंखेजाहिं उस्सप्पिणीहिं अवहीरंति नो चेव णं अवहिया सिया जाव सहस्सारे, आणतादि गेसुचउसु वि, गेवेज्जेसु अणुत्तरेसु य समए २ जाव केवइय कालेणं अवहिया सिया ? गोयमा ! ते णं असंखेज्जा समए २ अवहीरमाणा पलि.
ओवमस्स असंखेजइभागमेत्तेणं अवहीरंति, नो चेव णं अवहिया सिया। सोहम्मीसाणेसु णं भंते ! कप्पेसु देवाणं के महालया सरीरोगाहणा पन्नत्ता ? गोयमा ! दुविहा सरीरा पन्नत्ता, तं जहा-भवधारणिज्जा य उत्तरवेउव्विया य, तत्थ णं जे से भवधारणिज्जे से जहन्नेणं अंगुलस्स असंखेज्जइभागो उकोसेणं सत्त रयणीओ, तत्थ णं जे से उत्तरवेउव्विए से जहन्नेणं अंगुलस्स असंखेजइभागो उकोसेणं जोयणसयसहस्सं, एवं एक्केका ओसारेत्ताणं जाव अणुत्तराणं एका रयणी, गेवेजणुत्तराणं एगे भवधारणिज्जे सरीरे उत्तरवेउव्विया नत्थि । सोहम्मीसाणेसु णं देवाणं सरीरगा किं संघयणी पन्नत्ता ? गोयमा ! छण्हं संघयणाणं असंघयणी पन्नत्ता ? नेवट्रि नेव छिरा न वि पहारू णेव संघयणमस्थि, जे पोग्गला इट्रा कंता जाव एएसि संघायत्ताए परिणमंति जाव अणुत्तरोववाइया।
જીવાભિગમસૂત્ર
