________________
४००
जीवाभिगमसूत्रे तेसि णं भंते ! जीवाणं कइ समुग्घाया पन्नत्ता ? गोयमा ! पंच समुग्घाया पन्नत्ता तं जहा-वेयणासमुग्घाए जाव तेया समुग्घाए । ते णं भंते ! जीवा मारणंतियसमुग्घाएण किं समोहया मरंति असमोहया मरंति ? गोयमा ! समोहया वि मरंति, असमोहया वि मरंति ॥ ते णं भंते ! जीवा अणंतरं उध्वहिता कहिं गच्छंति कहिं उववजति ? किं नेरइएसु उववजंति तिरिक्खजोणिएस उववजति ? पुच्छा, गोयमा! एवं उववट्टणावभाणियव्वा जहा वक्रतीए तहेव । तेसि णं भंते ! जीवाणं कइ जाइ कुलकोडीजोणिपमुहसयसहस्सा पन्नत्ता ? गोयमा ! बारस जाइ कुलकोडीजोणिपमुहसयसहस्सा पन्नत्ता॥ भुयपरिसप्प थलयरपंचिंदितिरिवखजोणियाणं भंते ! कइ. विहे जाणिसंगहे पन्नत्ते ? गोयमा ! तिविहे जोणिसंगहे पन्नत्ते तं जहा-अंडया पोयया संमुच्छिमा एवं जहा-खहयराणं तहेव णाणत्तं जहन्नेणं अंतोमुहुत्तं उक्कोसेणं पुवकांडी उध्वट्टित्ता दोच्चं पुढवि गच्छति, णब जाइ कुलकोडी जोणीपमुहसयसहस्सा भवंतीति मक्खायं, सेसं तहेव ।। उरपरिसप्प थलयरपंचिं. दियतिरिक्खजोणियाणं भंते ! पुच्छा जहेव भुजपरिसप्पाणं तहेव, णवरं ठिई जहन्नेणं अंतोमुहुत्तं उक्कोसेणं पुवकोडी, उध्वट्टित्ता जाव पंचमि पुढविं गच्छति दसजाइ कुलकोडी०॥ चउप्पय थलयरपंचिंदियतिरिक्खजोणियाणं पुच्छा गोयमा ! दुविहे पन्नत्ते तं जहा-जराउया, संमुच्छिमाय । से किं तं जराउया ? जराउया तिविहा पन्नत्ता, तं जहा- इत्थीपुरिसा णपुंसगा, तत्थ णं जे ते संमुच्छिमा ते सव्वे णपुंसगा। तेसिं
જીવાભિગમસૂત્રા