________________
.जीवाभिगमसूत्रे गइया दुआगइया, परित्ता असंखेज्जा पन्नत्ता । सेतं उरगपरिसप्पा ॥ से किं तं भुयगपरिसप्पसंमृच्छिमथलयरा ? भुयगपरिसप्पसंमुच्छिमथलयरा अणेगविहा पन्नत्ता तं जहा-गोहा णउला जाव जे यावन्ने तहप्पगारा ते समासओ दुविहा पन्नत्ता । तं जहा-पज्जत्ता य अपज्जात्ताय । सरीरोगाहणा जहन्नेणं अंगुलासंखज्जइभागं, उक्कोसेणं धणुपुहत्तं । ठिई उक्कोसेणं बायालीसं वाससहस्साई । सेसं जहा-जलयराणं जाव चउगइया दुआगइया । परित्ता असंखेज्जा पन्नत्ता, से तं भुयगपरिसप्पसंमुच्छिमा, से तं थलयरा॥ सेकिंतं खहयरा ? खहयरा चउविहा पन्नत्ता तं जहा चम्मपक्खी, लोमपक्खी समुग्गपक्खी विततपक्खी । से किं तं चम्मपक्खी ? चम्मपक्खी अणेगविहा पन्नत्ता तं जहा वग्गुली जाव जे यावन्ने तहप्पगारा, सेत्तं चम्मपक्खी। से किं तं लोमपक्खी लोमपक्खीअणेगविहा पन्नत्ता।तं जहा-ढंका कंका जे यावन्ने तहप्पगारा, सेत्तं लोमपक्खी।से किं तं समुग्गपक्खी ? समुग्गपक्खी एगागारा पन्नत्ता जहा पण्णवणाए । एवं विततपक्खी जाव जे यावन्ने तहप्पगारा, ते समासओ दुविंहा पन्नत्ता तं जहा-पज्जत्ता य अपज्जत्ता य । णाणत्तं सरीरोगाहणा जहन्नेणं अंगुलासंखेज्जइभागं । उक्कोसेणं धणुपुहृतं । ठिई उक्कोसेणं बावत्तरिं वाससहस्साइं, सेसं जहा जलयराणं जाव चउगइया दुआगइया परित्ता असंखेज्जा पन्नत्ता । सेत्तं खहयरसमुच्छिमतिरिक्खजोणिया । सेत्तं समुच्छिमपंचिदियतिरिक्खजोणिया ॥ सू० २२॥
छाया-अथ के ते स्थलचरपरिसर्पसंमूच्छिमपञ्चेन्द्रियतिर्यगूयोनिकाः १ स्थल. चरपरिसर्पसंमूच्छिमपच्चेन्द्रियतिर्यग्योतिका द्विविधाः प्रज्ञप्ताः तद्यथा उरम्परिसर्प
જીવાભિગમસૂત્ર
