________________
सुबोधिनी टीका. १२९ सूर्याभदेवस्य पूर्व भवजीवप्रदेशिरजवर्णनम् १७१
मूलम्--तएणं से पएसी राया केसि कुमारसमणं एवं वयासी से केणं भंते ! तुझं नाणे वा दंसणे वा जेणं तुझे मम एयारूवं अज्जत्थियं जाव संकप्पं समुप्पण्णं जाणह पासह ? तएणं से केसी कुमारसमणे पएसि रायं एवं वयासी-एवं खलु पएसि! अम्हं समणाणं निग्गंथाणं पंचविहे नाणे पण्णत्ते, तं जहा-आभिणिवोहियणाणे१ सुयणाणे२ ओहिणाणे३ मणपजवमाणे४ केवलणाणे५५ । से कि तं आभिणिबोहियनाणे? अभिणिबोहियनाणे चउव्विहे पण्णत्ते, तं जहा-उग्गहे१ ईहार अवाए३ घारणा४। से किं तं उग्गहे ? उग्गहे दुविहे पण्णत्ते, जहा नंदीए जाव से तं धारणा, से तं आभिणियोहियणाणे। से किं तं सुयनाणे ? सुयनाणे दुविहे पण्णत्ते-अंगपविटुं च अंगबाहिरियं च, सव्व भाणियव्व जाव दिदिवाओ। ओहिणाणं भवपञ्चइयखाओवसमिय जहा नंदीए मणपज्जवनाणे दुविहे पण्णत्ते, तं जहा-उज्जुमई य विउलमई य, तहेव केवलनाणं सव्व भाणियव्व । तत्थ णं जे से आभिणिबोहिनाणे, सेणं मम अत्थि। तत्थ णं जे से सुयणाणे से वि य ममं अस्थि । तत्थ णं जे से ओहिणाणे से वि य ममं अत्थि। तत्थ णं जे से मणपजवनाणे से वि य मम अस्थि । तत्थ णं जे से केवलनाणे से णं मम नत्थि, से णं अरिहताणं भगवंताणं । इच्चेएणं पएसी! अह तव चउठिवहेणं छाउ. मथिएणं णाणेणं इमेयारूवं अज्झत्थिय जाव संकप्प समुप्पण्णं जाणाभि--पासामि ॥ सू. १२९ ॥
શ્રી રાજપ્રશ્રીય સૂત્ર: ૦૨
