________________
सुबोधिनी टीका. देवकृतं समवसरणभूमिसंमार्जनादिकम् आहुणियर एगंते एडेंति, एडित्ता खिप्पामेव उवसमंति, उवसमित्तादोच्चपि वेउव्वियसमुग्घाएणं समोहणंति, समोहणित्ता अब्भबद्दलए विउव्वंति, विउव्वित्ता से जहाणामए भइगदारए सिया तरुणे जाव सिप्पोवगए एगं महं दगवारगं वा दगथालगं वा दगकलसगं वा दगकुंभगं वा गहाय रायंगणं वा जाव उजाणं वा अतुरियं जा सव्वओ समंता आवरिसेज्जा, एवामेव तेऽवि सूरियाभस्स आभियोगिया देवा अब्भवद्दलए विउव्विंति, विउवित्ता खिप्पामेव पयणतणायंति पयणतणाइत्ता खिप्पामेव विज्जुयायंति विज्जुयाइत्ता समणस्स भगवओ महावीरस्स सवओ समंता जोयणपरिमंडलं गच्चोदगं णाइमट्टियं तं पविरलपप्फुसियं रयरेणुविणासणं दिव्वं सुरभिगंधोदगं वास वासंति, वासित्ता णिहयरयं गट्ठरयं भट्टरयं उपसंतरयं पसंतरयं करेंति, करित्ता खिप्पामेव उवसामंति उवसामित्ता तच्चपि वेउब्वियसमुग्धाएणं समोहणंति समोहणित्ता पुप्फबद्दलए विउव्वंति, से जहा णामए मालागारदारए सिया तरुणे जाव सिप्पोवगए एगं महं पुप्फछज्जियं वा पुप्फपडलगं वा पुप्फुचंगेरियं वा गहाय रायंगणं वा जाव सव्वओ सामंता कयग्गहगहिय करयलपब्भट्ठविप्पमुक्केणं दसवण्णेणं कुसुमेणं मुक्कपुप्फपुंजोवयारकलियं करेज्जा, एवामेव ते सूरियाभस्स देवस्स आभियोगिया देवा पुप्फवद्दलए विउव्वंति, विउवित्ता खिप्पामेव पयणुतणायंति पयणुतणाइत्ता जाव जोयणपरिमंडलं जलयथलयभासुरप्पभूयस्स विंटट्ठाइस्स दसदवण्णकुसुमस्स जाणुस्सेहपमाणमेत्तं ओहिं वासं वासंति
શ્રી રાજપ્રક્ષીય સૂત્રઃ ૦૧