________________
सुबोधिनी टीका. सू. ७९ सुधर्मसभादि वर्णनम्
मूलम् -सभाए णं सुहम्माए उत्तरपुरस्थिमेणं एत्थ णं महेगे सिद्धाययणे पण्णत्ते, एगं जायणसयं आयामेणं, पन्नासं जोयणाई विक्खंभेणं बावत्तरि जोयणाई उड्ढं उच्चत्तणं, सभागमेणं जाव गोमाणसियाओ, भूमिभागा उल्लोया तहेव । तस्स णं सिद्धाययणस्स बहुमज्झदेसभाए एत्थ णं महेगा मणिपेढिया पण्णत्ता, सोलसजोयणाई आयामविक्खभेणं अट्ट जोयणाई बाहल्लेणं । तीसे णं मणिपेढियाए उवरिं एत्थ णं महेगे देवच्छंदए पण्णत्ते, सोलस जोयणाई आयामविक्खंभेणं, साइरेगाइं सोलसजोयणाई उड्ढं उच्चत्तण, सम्वरयणामए जाव पडिरूवे । एत्थ णं अट्ठसयं जिणपडिमाणं जिणुस्सेहप्पमाणमित्ताणं संनिक्खित्तं संचिट्ठई। तासि णं जिणपडिमाणं इमेयारूवे वण्णावासे पण्णत्ते, तं जहा-तवणिजमया हत्थतल-पायतला, अंकामयाइं नक्खाइं अंतो लोहियक्खपडिसेगाई, कणगामईओ जंघाओ कणगामया जाणू, कणगामया ऊरु, कणगामईओ गायलट्ठीओ, तवणिजमयाओ नाभीओ, रिहामईओ, रोमराईओ, तवणिजमया चूचुया, तवणिज्जमया सिरिवच्छा, सिलप्पवालमया ओट्टा, फालियामया दंता, तवणिज्जमईओ जीहाओ, तवणिजमया तालुया, कणगामईओ नासियाओ अंतो लोहियक्खपडिसेगाओ, अंकामयाणि अच्छीणि अंतोलोहियक्खपडिसेगाणि, रिट्ठामईओ ताराओ, रिटठामयाणि अच्छिपत्ताणि, रिठ्ठामईओ, भमुहाओ, कणगामया कवोला, कणगामया सवणा कणगामईओ णिडालपट्टियाओ, वइरामईओ सीस घडीओ, तवणिज्जमइओ केसंतकेसभूमीओ रिट्ठमया उवरिमुद्धया ॥ सू० ७९ ॥
શ્રી રાજપ્રક્ષીય સૂત્રઃ ૦૧
