________________
सुबोधिनी टीका. सू. ७४ स्तूपवर्णनम्
|
1
दो जोयणाई खंघा, अद्भुजोयणं विक्खंभेणं, छजोयणाईं विडिमा बहुमज्झदेसभाए, अट्ठजोयणाई आयामविक्रमेण, साइरेगाई अट्ट जोयणाइं सव्वग्गेणं पण्णत्ता । तेसि णं चेइयरुक्खाणं इमेयारूवे वण्णावासे पण्णत्ते, तं जहा वयरामयमूलरयय सुपइट्टियविडिमा, रिट्ठामयविउलकंद वेरुलिया रुइरखंधा, सुजायवर जायरूवपढमगविसालसाला नाणामणिमयरयणविविहसाहप्प साहवेरुलियपत्ततवणिज्ज -पत्तविंटा, जंबूणयरत्तमउयसुकुमालपवालपल्लवबरं कुरधरा विचित्त मणिरयण सुरभिकुसुमफलभरभरियनमियसाला अहियं नयणमणनिव्वुइकरा अमयरससरसफला सच्छाया सप्पभा सस्सिरिया सउज्जोया पासाइया दंसणिज्जा अभिरुवा पडिरूवा । तेसि णं चेइयरुक्खाणं उवरिं अहह मंगलगा झया छत्ताइछत्ता । तेसि णं चेइयरुक्खाणं पुरओ पत्तेयं पत्तेयं मणिपेढिया पण्णत्ता | ताओ णं मणिपेढियाओ अट्ठ जोयणाइं आयामविक्खंभेणं, चत्तारि जोयणाई बाहल्लेण सव्वमणिमईओ अच्छाओ जाव पडिरूवाओ । तासिणं मणिपेढियाणं उवरिं पत्तेयं पत्तयं महिंदज्झए पण्णत्ते । ते णं महिंदज्झया सट्ठि जोयणाई उहं उच्चत्तेणं, जोयणं उव्वेहेणं, जोयणं विक्खभेणं, वइरामयवट्टलट्ठसंठियसुसिलिट्ठपरिघ मट्ठसुपइठिया विसिट्ठा अणेगवर पंचवण्णकुडभिसहस्सपरिमंडियाभिरामा वाउय विजयवेजयंती पडागा छत्ताइच्छत्तकलिया तुंगा गयणतमभिलं - घमाणसिहरा पासाईया ४ । तेसि णं महिंदज्झायाणं उवरि अट्ठट्ठ मंगलगा झया छत्ताइच्छत्ता । तेसि णं महिंदज्झायाणं पुरओ पत्तेयं पत्तेयं नंदा पुक्खरिणी पण्णत्ता । ताओ णं
।
શ્રી રાજપ્રશ્નીય સૂત્ર : ૦૧
५०५
