________________
सुबोधिनी टीका. सू. ६० सूर्याभविमानवर्णनम्
३८१
सेइ । एवमेव तेऽवि चित्ता रयणकरंडगा साए पभाए ते पसे सव्वओ समंता ओभासंति उज्जोवेंति तवेंति पभासेंति । तेसि णं तोरणाणं पुरओ दो दो हयकंठा गयकंठा 1 नरकंठा किंनरकंठा किंपुरिसकंठा महोरगकंठा गंधव्वकंठा उसभकंठा सव्वरयणा मया अच्छा जाव पडिरुवा । तेसु णं हयकंठएसु जाव उसभकंठएसु दो दो पुष्पचंगेरीओ मल्लचंगेरीओ चुण्णचंगेरीओ गंधचंगेरीओ वत्थचंगेरीओ आभरणचंगेरीओ सिद्धत्थचंगेरीओ लोमहत्थचंगेरीओ पण्णत्ताओ, सव्वरयणामयाओ अच्छाओ जाव पडिरूवाओ । तासुणं पुप्फचंगेरियासु लोमहत्थचंगेरियासु दो दो पुप्फपडलगाई जाव लोमहत्थपडलगाई सव्वरयणामयाइं अच्छाई जाव पडिरुवाई | तेसि णं तोरणाणं पुरओ दो दो सीहासणा पण्णत्ता । तेसिणं सीहासणाणं वण्णओ जाव दामा । तेसि णं तोरणाणं पुरओ दो दो रुपमया छत्ता पण्णत्ता । ते णं छत्ता वेरुलियविमलदंडा जंबूणयकन्निया बइरसंधी मुत्ताजालपरिगया अट्टसहस्सवरकंचणसलागा दद्दर मलयय सुगंधिसव्वोउयसुरभि सीयलच्छाया मंगलभत्तिचित्ता चंदागारोवमा । तेसि णं तोरणाणं पुरओ दो दो चामराओ पण्णताओ, ताओ णं चामराओ चंदप्पभवेरुलियवयर नाणामणि रयण खचियचित्तदंडाओ सुहुम रययदीहबालाओ संखंककुंद दगरययमय महिय फेणपुंजसंनिगासाओ सव्वरयणामयाओ अच्छाओ जाव पडिरूवाओ । तेसि णं तोरणाणं पुरओ दो दो तेलसमुग्गाको समुग्गा पत्तसमुग्गा चोयगसमुग्गा तगरसमुग्गा एलासमुग्गा हरियालसमुग्गा हिंगुलयसमुग्गा
શ્રી રાજપ્રશ્નીય સૂત્ર ઃ ૦૧
