________________
५१८
अथ मनुष्यपरिग्रहं वर्णयति' वक्खार' इत्यादि
मूलम् - वक्खार अकम्मभूमीसु सुविभत्तभागदेसासु कम्मभूमीसु । जे विय नरा चाउरंतचक्कवट्टी वासुदेवा बलदेवा मंडलिया इस्सरा तलवरा सेणावई इब्भा सेट्ठिया रहिया पुरोहिया कुमारा दंडणायगा गणणायगा माडंबिया सत्थवाहा कोडुंबिया अमच्चा एए अण्णे य एवमादी परिग्गहं संचिणंति - अनंतमसरणं दुरंतं अधुवमणिच्चं असासयं पावकम्मनेमं अवकिरियठवं विणासमूलं वहबंध परिकिलेस बहुलमणंतसंकिलेसकरणं । ते तं धणकणगरय
निचियपंडिया चेव लोभघत्था संसारं अतिवयंति सव्वदुक्ख संनिलयण । परिग्गहस्सेव य अट्टाए सिप्पसयं सिक्खए बहुजणो कलाओ य बावन्तरिसुनिउणाओ लेहादियाओ सउणरुआसाणाओ गणियप्पहाणाओ चउसट्ठि च महिलागुणे रइजणणे सिप्पसेवं असिमसि किसिवाणिजं ववहारं अत्थसत्थं इसुसत्थं च्छरुष्पगयं विविहाओ य जोगजुंजणाओ | अन्नेसु य एवमाइएसु बहुकारणसएसु जावजीवं नडिजए संचिणंति मंदबुद्धी परिग्गहस्सेव य अट्टाए करेंति पाणाणवहकरणं, अलियनियडि साइसंपओगे परदव्वअभिज्झं सपरदार-गमणासेवणाए आयासविसूरणं कलहभंडणवेराणि य अवमाणविमाणणाओ । इच्छमहिच्छपिवाससतत तिसिया तहगेहिलोभघत्था अत्ताण अनिग्गहिया करेंति कोहमाणमायालोभे अकित्तणिज्जे । परिग्गहे चवे
प्रश्नव्याकरणसूत्रे
શ્રી પ્રશ્ન વ્યાકરણ સૂત્ર
