________________
ज्ञाताधर्मकथाङ्गसूत्रे समंता विप्पलाइत्था । तएणं ते णगरगुत्तिया ते विउलं धण. कणगं गेण्हंति, गेण्हित्ता जेणेव रायगिहे तेणेव उवागच्छति । तएणं से चिलाए तं चोरसेणं तेहिं णयरगुत्तिएहि हयमहिय जाव भीए तत्थे सुसुमं दारियं गहाय एगं महं अग्गामियं दीहमद्धं अडवि अणुप्पविट्रे। तएणं धण्णे सस्थवाहे सुंसुमं दारियं चिलाएणं अडवीमुहं अवहीरमाणिं पासित्ताणं पंचहि पुत्तेहि सद्धिं अप्पछट्टे सन्नद्धबद्ध० चिलायस्स पदमग्गवीहि अणुगच्छमाणे अभिगज्जते हक्कारेमाणे पुक्कारेमाणे अभितज्जेमाणे अभितासेमाणे पिट्टओ अणुगच्छइ । तएणं से चिलाए तं धण्णं सत्थवाहं पंचहि पुत्तेहिं सद्धिं अप्पछठें सन्नद्धबद्ध० समणुगच्छ. माणं पासइ, पासित्ता अस्थामे अबले अवीरिए अपुरिसक्कारपरक्कमे जाहे णो संचाएइ सुसुमं दारियं णिवाहित्तए, ताहे संते तंते परितंते नीलुप्पल. असि परामुसइ, परामुसित्ता सुंसुमाए दारियाए उत्तमंग छिदइ, छिदित्ता, तं गहाय तं अग्गामियं अडवि अणुप्पविदें। तएणं से चिलाए तीसे अगामियाए अडवीए तण्हाए अभिभूए समाणे पम्हुट्ट दिसाभाए, सीहगुहं चोरपल्लिं असंपत्ते अंतरा चेव कालगए। ____ एवामेव समगाउसो ! जाव पव्वइए समाणे इमस्स ओरालियसरीरस्स वंतासवस्स जाव विद्धंसणधम्मस्स वण्णहेडं जाव आहारं आहारेइ, से णं इहलोए चेव बहूणं समणाणं४ हिलणिज्जे ३ जाव अणुपरियटिस्सइ, जहा व से चिलाए तक्करे ॥ सू०७॥
श्री शताधर्म अथांग सूत्र : 03
