________________
४४०
ज्ञाताधर्मकथाङ्गसूत्रे मूलम्-तएणं से पंडू राया तेसिं वासुदेवपामोक्खाणं बहूणं राय० करयल एवं वयासो- एवं खलु देवाणुप्पिया ! हत्थिणाउरे नयरे पंचव्हं पंडवाणं दोवइए य देवीए कल्लाणकरे भविस्सइ तं तुब्भे णं देवाणुप्पिया ! ममं अणुगिण्हमाणा अकालपरिहीणं समोसरह, तएणं वासुदेवपामोक्खा पत्तेयं२ जाव पहारेत्थ गमणाए । तएणं से पंडुराया कोडुबियपुरिसे सद्दा० २ एवं वयासी-गच्छहणंतुब्भे देवाणुप्पिया! हस्थिणाउरे पंचण्हं पंडवाणं पंच पासायवडिसए कारेह अब्भुग्गयमूसिय वण्णओजावपडिरूवे, तएणं ते कोडुंबियपुरिसा पडिसुणेति जाव करावेंति, तएणं से पंडुए पंचहिं पंडवेहिं दोवईए देवीए सद्धिं हयगयसपरिवुडे कंपिल्लपुराओ पडिनिक्खमइ२ जेणेव हथिणाउरे तेणेव उवागए, तएणं से पंडुराया तेसिं वासुदेवपामोक्खाणं आगमणं जाणित्ता कोथुवि० सद्दावेइ सद्दावित्ता एवं वयासो-गच्छह णं तुब्भे देवाणुप्पिया ! हस्थिणाउरस्स नयरस्स बहिया वासुदेवपामुक्खाणं बहूर्ण रायसहस्साणं आवासे कारेह अणेगखंभसय तहेव जाव पच्चप्पिणंति, तएणं ते वासुदेवपामोक्खा बहवे रायसहस्सा जेणेव हत्थिणाउरे तेणेव उवागच्छइ, तएणं से पंडुराया तेसिं वासुदेवपामोक्खाणं आगमणं जाणित्ता हट्ठतुढे हाए कयवलि जहा दुवए जाव जहारिहं आवासे दलयइ, तएणं ते वासुदेव पा० बहवे रायसहस्सा जेणेव
श्री शताधर्म अथांग सूत्र : 03
