________________
ज्ञाताधर्मकथागसूत्रे हित्ता किड्डावियाए लोहियाए य सद्धिं सयंवरमंडपं अणुपविसइ अणुपविसित्ता करयल तेसिं वासुदेवपामुक्खाणं बहणं रायवरसहस्साणं पणामं करेइ, तएणं सा दोवई रायवर० एगं महं सिरिदामगंडं किं ते ? पाडलमल्लियचंपय जाव सत्तच्छयाईहिं गंधद्धाणिं मुयंतं परमसुहफासं दरिसणिजं गिण्हइ, तएणं सा किड्डाविया जाव सुरूवा जाव वामहत्थेणं चिल्लगं दप्पणं गहेऊण सललियं दप्पणसंकंतबिंबसंदसिए य से दाहिणेणं हत्थेणं दरिसए पवररायसीहे फुडविसयविसुद्धरिभियगंभीर महुरभणिया सा तेसि सव्वेसि पत्थिवाणं अम्मापिऊणं वंससत्तसामत्थगोत्तविकंतिकांत बहुविह आगममाहप्परूवजावणगुणलावण्णकुलसील जाणिया कितणं करेइ, पढमंताव वहिपुंगवाणं दसदसारवीरपुरिसाणं तेलोक्कवलवगाणं सत्तुसयसहस्तमाणावमहगाणं भवसिद्धिपवरपुंडरीयाणं चिल्लगाणं बलबीरियरूव. जोवणगुणलावन्नकित्तिया कित्तणं करेइ, ततो पुणो उग्गसेणमाईणं जायवाणं, भणइ य-सोहग्गरूवकलिए वरेहि वरपुरिस गंधहत्थीणं । जो हु ते होइ हिययदइओ, तएणं सा दोबई रायवरकन्नगा वहणं रायवरसहस्साणं मज्झं मज्झेणं समतिच्छ माणीर पुवकयणियाणेणं चोइज्जमाणी २ जेणेव पंच पंडवा तेणेव उवागच्छइ उवागच्छित्ता ते पंचपंडवे तेणं दसवण्णणं कुसुमदामणं आवेढियपरिवेढियं करेइ करिता एवं वयासीएएणं मए पंच पंडवा वरिया, तएणं तेसिं वासुदेवपामुक्खाणं
श्री शताधर्म अथांग सूत्र : 03
