________________
अनगारधर्मामृतवर्षिणी टीका अ० १४ तेतलिपुत्रप्रधान चरितवर्णनम् २३ उवागए करयलपरिग्गहियं दसणहं सिरसावत्तं मत्थए अंजलिं कट्टु एवं वयासी-संदिसतु णं देवाणुप्पिया ! जं मए कायठवं ? तएणं पउमावई तेतलिपुत्तं एवं वयासी-एवं खल्लु कणगरहे राया जाव वियंगेइ, अहं च णं देवाणुप्पिया ! दारगं पयाया तं तुमं णं देवाणुप्पिया ! एयं दारगं गेण्हाहि जाव तव मम य भिक्खाभायणे भविस्सइ त्तिक? तेतलिपुत्तं दलयइ । तएणं तेतलिपुत्ते पउमावईए हत्थाओ दारगं गेण्हइ गिण्हत्ता उत्तरिज्जेणं पिहेइ,पिहिता अंतेउरस्त रहस्सियं अवदारेणं णिग्गच्छइ, णिग्गच्छित्ता, जेणेव सये गिहे जेणेव पोहिला भारिया, तेणेव उवागच्छइ, उवागच्छित्ता पोटिलं एवं वयासी-एवं खलु देवागुप्पिया! कणगरहे राया रजे य जाव वियंगेइ, अयं च णं दारए कणगरहस्सपुत्ते पउमावईए अत्तए, तं गं तुमं देवाणुप्पिया ! इमं दारगं कणगरहस्स रहस्सियं चेव अणुपुटवेणं सारक्खाहि य संगोवाहि य संबड्डेहि य । तएणं एस दारए उमुक्कबालभावे तव य मम य पउमावईए य आहारे भविस्तइ त्ति कटु पोट्टि. लाए पासे णिक्खिवइ, णिक्खिवित्ता, पोहिलाओ पासाओ विनिहायमावन्नियं दारियं गेण्हइ, गेण्हित्ता उत्तरिजेणं पिहेइ, पिहिता अंतेउरस्स अवदारेणं अणुप्पविसइ, अणुप्पविसित्ता जेणेव पउ. मावई देवी तेणेव उवागच्छइ, उवागच्छित्ता पउमावईए देवीए पासे ठावेइ, ठावित्ता जाव पडिणिग्गए । तएणं तीसे पउमावईए अंगपरियारियाओ पउमावइं देविं विणिहायमावन्नं च
श्री शताधर्म अथांग सूत्र : 03