________________
अनगारधर्मामृतवषिणी टी० अ० १६ द्रौपदीचरितवर्णनम् सहि दुदंतसाहस्सीओ वीरसेणपामोक्खाओ इकवीसं वीरपुरिससाहस्सीओ महसेणपामोक्खाओ छप्पन्नं बलवगसाहस्सीओ अन्ने य बहवे राईसरतलवरमाडंबियकोडुंबियइन्भसिट्रिसेणावइसत्थवाहपभिइओ करयलपरिग्गहियं दसनहं सिरसावत्तं अंजलिं मत्थए कटु जएणं विजएणं वद्धावेहि वद्धावित्ता एवं वयाहि-एवं खलु देवाणुप्पिया ! कंपिल्लपुरे नयरे दुवयस्स रण्णो धूयाए चुल्लणीए देवीए अत्तयाए धज्जुणकुमारस्स भगिणीए दोवईए रायवरकण्णाए सयंवरे भविस्सइ तं गं तुब्भे देवाणुप्पिया ! दुवयं रायं अणुगिण्हेमाणा अकालपरिहीणं चेव कंपिल्लपुरे नयरे समोसरह, तएणं से दूर करयल जाव कटु दुवयस्स रण्णो एयमढे पडिसुणेति पडिसुणित्ता जेणेव सए गिहे तेणेव उवागच्छइ उवागच्छित्ता कोडुंबियपुरिसे सदावेइ सदावित्ता एवं वयासी-खिप्पामेव भो देवाणुप्पिया! चाउग्घंटं आसरहं जुत्तामेव उवटवेह जाव उवट्ठवेंति, उवट्ठवित्ता तएणं से दूए हाए जाव अलंकार० सरीरे चाउग्घंटं आसरहं दुरुहइ दुरुहिता बहूहिं पुरिसेहिं सन्नद्ध जाव गहियाऽऽउह पहरणेहिं सद्धिं संपरिवुडे कंपिल्लपुरं नयरं मज्झं मज्झेणं निग्गच्छद पंचालजणवयस्स मज्झं मझेणं जेणेव देसप्पंते तेणेव उवागच्छइ, सुरट्राजणवयस्स मज्झंमज्झेणंजेणेव बारवइ नयरी तेणेव उवागच्छइ उवागच्छित्ता बारवई नयरिं मज्झं मज्झेणं अणुपविसइ अणुपविसित्ता जेणेव कण्हस्स वासुदेवस्स बाहिरिया
श्री शताधर्म अथांग सूत्र : 03
