________________
अनगारधर्मामृतवर्षिणी टीका अ०१३ नन्दमणिकारभवनिरूपणम् ७५९ मणियारसेहिस्स सरीरगंसि सोलसरोगायंका पाउब्भूया तं जहा'सासे जाव कोढे' तं जो णं इच्छइ देवाणुप्पिया ! वेज्जो वावेजपुत्तो वा जाणओ वा२ कुसलो वा२ नंदस्स मणियारस्स तेसिं च णं सोलसण्हं रोगायंकाणं एगमवि रोगायंकं उवसाभेत्तए तस्स णं देवाणुप्पिया ! मणियारे विउलं अत्थसंपयंणं दलयइ त्तिकद्दु दोच्चंपि तच्चपि घोसणं घोसेह घोसित्ता एयमाणत्तियं पञ्चप्पिणह, तेहिं तहेव पञ्चप्पिणंति, तएणं रायगिहे इमेयारूवं घोसणं सोचा णिसम्म बहवे वेज्जा य वेज्जपुत्ता य जाव कुसलपुत्ता य सत्थकोसहत्थगया य कोसगपायहत्थगया य सिलियाहत्थगया य गुलियाहत्थगया य ओसहभेसज्जहत्थगया य सएहिं २ गिहेहिंतो निक्खमंति निक्खमित्ता रायगिहं नयरं मझं मज्झेणं जेणेव णंदस्स मणियारसेटिस्स गिहे तेणेव उवागच्छंति उवागच्छित्ता गंदस्स सरीरं पासंति, तेसि रोगायंकाणं णियाणं पुच्छंति णंदस्स मणियारसेटिस्स बहूहि उव्वलणेहि य उवट्टणेहि यसिणेहपाणेहि यवमणेहिय विरेयणेहि यसेयणेहिय अवदहणेहि य अवण्हाणेहि य अणुवासणेहि य वत्थिकम्महि य निरूहेहि य सिरावेहेहि य तच्छणाहि य पच्छणाहि य सिरावेढेहि य तप्पणाहि य पुडपागेहि य छल्लीहि य वल्लीहि य मूलेहि य कंदेहि य पत्तेहि य पुप्फेहि य फलेहि य बीएहि य सिलियाहि य गुलियाहि य ओसहेहि य भेसज्जेहि यइच्छति तेसि सोलसण्हं रोगायंकाणं एगमवि रोगायंकं उवसामित्तए, नो चेवणं संचाएंति उवसामेतए, तएणं ते बहवे वेज्जा य ६ जाहे नो संचाएंति तेसि सोलसण्हं रोगायंकाणं एवमवि रोगायक उव
શ્રી જ્ઞાતાધર્મ કથાંગ સૂત્રઃ ૦૨