________________
ज्ञाताधर्मकथाङ्गसूत्रे हीणे कंतीए एवं दित्तीए जुईए छायाए पभाए ओयाए लेस्साए मंडलेणं तयाणंतरं च णं बीयाचंदे पाडिवयं चंदं पणिहाय हीणतराय वपणेणं जाव मंडलेणं तयाणंतरं च णं तइआचंदे बिइयाचंदं पणिहाय हीणतराए वण्णेणं जाव मंडलेणं, एवं खलु एएणं कमेणं परिहायमाणे२ जाव अमावस्साचंदे चाउद्दसं. चंदं पणिहाय नट्रे वण्णेणं जाव नहे मंडलेणं, एवामेव समगाउसो ! जो अम्हं निग्गंथो वा निग्गंथी वा जाव पव्वइए समाणे हीणे खंतीए एवं मुत्तीए गुत्तीए अजवेणं मदवेणं लाघवेणं सच्चेणं तवेणं चियाए अकिंचयणयाए बंभचेरवासेणं तयाणंतरं च णं हीणतराए खंतीए जाव हीणतराए बंभचेर वासेणं, एवं खलु एएणं कमेणं परिहायमाणे२ गटे खंतीए जाव णडे बंभचेरवासणं, जहा वा सुक्कपक्खस्स पाडिवयाचंदे अमावासाए चंदं पणिहाय अहिए वण्णेणं जाव अहिए मंडलेणं तयाणंतरं च णं बिइयाचंदे पडिवयाचंदं पणिहाय अहिययराए वण्णेणं जाव अहियतराए मंडलेणं एवं खलु एएणं कमेणं परिवुड्डेमाणे २ जाव पुण्णिमाचंदे चाउइंसि चंदं पणिहाय पडिपुण्णे वण्णेणं जाव पडिपुण्णे मंडलेणं एवामेव समणाउसो ! जाव पवइए समाणे अहिए खंतीए जाव बंभचेर वासेणं, तयाणंतरं च णं अहिययराए खंतीए जाव बंभचेरवासेणं, एवं खलु एएणं कमेणं परिवड्डमाणे२ जाव पडिपुन्ने बंभचेर वासेणं, एवं खलु जीवा वड्डेति वा हायंति वा, एवं खलु जंबू ! समणेणं भगवया महावीरेणं दसमस्स णायज्झयणस्स अयमढे पण्णत्ते तिबेमि ॥ सू० १ ॥
॥ दसमं णायज्झयणं समत्तं ॥
શ્રી જ્ઞાતાધર્મ કથાંગ સૂત્રઃ ૦૨
