________________
अनगारधर्मामृतवर्षिणी टी0अ0 ९ माकन्दिदारकचरितनिरूपणम् ६०३ वणसंडं गमित्तए तिकटु अण्णमण्णस्त एयमटुं पडिसुणेति २ जेणेव दक्खिणिल्ले वणसंडे तेणेव पहारेस्थ गमणाए, तएणं गंधे निद्धाति से जहा नामए अहिमडेइ वा जाव अणिहतराए चेव, तएणं ते मागंदियदारया तेणं असुभेणं गंधेणं अभिभूया समाणा सएहिर उत्तरिज्जेहिं आसातिं पिहेंति२ जेणेव दक्खिजिल्ले वणसंडे तेणेव उवागया तत्थणं महं एगं आघायणं पासंति अहियरासिसयसंकुलं भीमदरिसणिज्ज एगं च तत्थ सूलायतयं पुरिसं कलुणाई कट्टाइं विस्सराइं कुजमाणं पासंति, पासित्ता भीता जाव संजातभया जेणेव से सूलातियपुरिसे तेणेव उवागच्छंति२ ते सूलाइयं एवं वयासी-एसणं देवाणुप्पिया! कस्साघयणे तुमं च णं के कओ वा इहं हवमागए केण वा इमेयारूवं आवत्तिं पाविए ?, तएणं से सूलाइयए पुरिसे मागंदियदारए एवं वयासी-एसणं देवाणुप्पिया ! रयणदीवेदेवयाए आघयणे अहणे देवाणुप्पिया ! जंबूदीवाओ दीवाओ भारहाओ वासाओ कागंदीए आसवाणियए विपुलं पणियभं. डमायाए पोतवहणेणं लवणसमुदं ओयाए, तएणं अहं पोयवहणविवत्तीए निम्बुड्डभंडसारे एगंफलगखंडं आसाएमि,तएणं अहं उवुज्झमाणे२ रयणदी वंतेणं संवूढे, तएणं सा रयणदीवदेवया ममं ओहिणा पासइ२ ममं गेहइ२ मए सद्धिं विपुलाई भोगभोगाई भुंजमाणी विहरति, तएणं सा रयणदीवदेवया अण्णया कयाई अहालहुसगंति अवराहसि परिकुविया समाणी ममं एयारूवं आवति पावइ, तं ण णजति णं देवाणुप्पिया!
શ્રી જ્ઞાતાધર્મ કથાંગ સૂત્રઃ ૦૨
