________________
अनगारधर्मामृतवर्षिणी टीका अ० ९ माकन्दिदारकचरितनिरूपणम् ५८७ ऊगयवरो साहिणो ॥१॥ तत्थ य-सुरगोवमणिविचित्तो दद्दुर कुलरसियउज्झररवो । बरहिणविंदपरिणद्धसिहरो वासारत्तो उऊपळवतो साहिणो ॥२॥ तत्थणं तुम्भे देवाणुप्पिया ! बहुसु वावीसु य जाव सरसरपंतियासु बहुसु आलीघरएसु य मालीघरएसु य जाव कुसुमघरएसु य सुहं सुहेणं अभिरममाणा विहरेज्जाह, जइणं तुन्भे एत्थवि उव्विग्गा वा उस्सुया वा उप्पुया वा भवेज्जाह तो गं तुब्भे उत्तरिलं वणसंडं गच्छेजाह, तत्थ णं दो ऊऊ सया साहीणा तं० सरदोय हेमंतो य, तत्थ उ सणसत्तवण्णकउओ नीलप्पलपउमनलिणसिंगो। सारसचक्कवायरवितघोसो सरयऊऊगोवती साहीणो ॥१॥ तत्थ य सियकुंदधवलजोण्हो कुसुमितलोद्धवणसंडमंडलतलो । तुसारदगधारपीवरकरो हेमंतऊऊससी सया साहीणा ॥२॥ तत्थणं तुब्भे देवाणुपिया! वावीसु य जाव विहरेजाह, जइणं तुब्भे तत्थवि उठिवग्गा वा जाव उस्सुया वा भवेज्जाह तो गं तुब्भे अवरिल्लं वणसंडं गच्छेज्जाह, तत्थणं दो ऊऊ साहीणा, तं जहा वसंते य गिम्हे य, तत्थ उ सहकारचारुहारो किंसुयकण्णियारासोगमउडो । ऊसिततिलगवउलायवत्तो वसंतउऊणरवती साहीणो ॥ १॥ तत्थ य पाडलसिरीससलिलो मालियावासंतियधवलवेलो। सीयलसुरभि अनिलमगरचरिओ गिम्हऊऊसागरो साहीणो ॥ २॥ तत्थ णं बहुसु जाव विहरेजाह, जइ णं तुम्भे देवा० ! तत्थ वि उब्विग्गा उस्सुया भवेज्जाह तओ तुब्भे जेणेव पासायवडिसए तेणेव उवागच्छेज्जाह, ममं पडिवालेमा
શ્રી જ્ઞાતાધર્મ કથાંગ સૂત્રઃ ૦૨