________________
४३६
ज्ञाताधर्मकथाङ्गस्त्रे
माणी परुवेमाणी उवदंसेमाणी विहरइ, तरणं सा चोक्खा परिवाइया अन्नया कयाई तिदंडं च कुंडियं च जाव धाउरताओ य गिues, गिण्हित्ता परिव्वाइगावसहाओ पडिनिक्खमइ, पडिनिक्खमित्ता पविरल परिव्वाइया सद्धि संपरिवुडा मिहिलं रायहाणि मज्झमज्झेणं जेणेव कुंभगस्स रन्नो भवणे जेणेव कण्णतेउरे जेणेव मल्ली विदेहरायवरकन्ना तेणेव उवागच्छइ, उवागच्छित्ता उदयपरिफासियाए दब्भोवरिपच्चत्थुयाए भिसियाए निसियs, निसियित्ता मल्लीए विदेहरायवर कन्नाए पुरओ दाणधम्मं च जाव विहरइ, तएणं मल्ली विदेहरायवर कन्ना चोक्खं परिव्वाइयं एवं वयासी- तुब्भेणं चोक्खे किंमूलए धम्मे पन्नत्ते ? तरणं सा चोक्खा परिव्वाइया महिं विदेहरायवर - कन्नं एवं वयासी - अम्हं णं देवाशुप्पिए ! सोयमूलए धम्मे, जपणं अम्हं किंचि असुइ भवइ, तरणं उदएण य महियाए जाव अविग्घेणं सग्गं गच्छामो, तएणं मल्ली विदेहरायवरकन्ना चोक्खं परिव्वाइयं एवं वयासी-चोक्खा ! से जहानामए केई पुरिसे रुहिरकयं वत्थं रुहिरेण चैव धोवेज्जा अस्थिणं चोक्खा ! तस्स रुहिरकयस्स वत्थस्स रुहिरेण घोव्यमाणस्स काई सोही ?, नो इणट्ठे समट्ठे, एवामेव चोक्खा ! तुब्भेणं पाणाइवाएणं जाव मिच्छादंसणसल्लेणं नत्थि काई सोही, जहावतस्स रुहिरकयस्त वत्थस्स रुहिरेणं चैव धोवमाणस्स, तरणं सा चोक्खा परिव्वाइया मलए विदेहरायकन्नाए एवं वृत्ता समाणा संकिया कंखिया विइगिच्छिया भेयसमावण्णा जाया यावि होत्था,
શ્રી જ્ઞાતાધર્મ કથાંગ સૂત્ર : ૦૨
