________________
३८६
ज्ञाताधर्मकथाङ्गसूत्रे होत्था, तीसे णं सुबाहुदारियाए अन्नया चाउम्मासियमजणए जाए यावि होत्था, तएणं से रुप्पी कुणालाहिवई सुबाहुदारियाए चाउम्मासियजणयं उवडियं जाणइ, जाणित्ता कोडंबिय पुरिसे सद्दावेइ, सदावित्ता एवं वयासी -एवं खलु देवाणुप्पिया ! सुबाहुदारियाए कल्लं चाउम्मासियमजणए भविस्सइ, तं कलं तुब्भणं रायमग्गमोगाढंसि मंडबं जलथलयदसद्धवन्नमलं साहरेह जाव सिरिदामगंडं ओलइंति । तएणं से रुप्पी कुणालाहिवई सुवन्नगारसेणि सदावेइ सदावित्ता एवं वयासी-खिप्पामेव भो देवाणुप्पिया ! रायमग्गमोगाढंसि पुप्फमंडवंसि णाणाविहपंचवन्नेहिं तंदुलेहिं णगरं आलिहइ, तस्स बहुमज्झदेसभाए पट्टए रयेह, रएइत्ता जाव पञ्चप्पिणंति, तएणं से रुप्पी कुणालाहिवई हथिक्खंधवरगए चाउरंगिणीए सेणाए महया भडचडगरयहयरविंदपरिक्खित्ते अंतेउरपरियालसंपरितुडे सुबाहुं दारियं पुरओ कट्टु जेणेव रायमग्गे जेणेव पप्फमंडवे तेणेव उवागच्छइ, उवागच्छित्ता हत्थिखंधाओ पच्चोरुहइ, पच्चोरुहित्ता पुप्फमंडवं अणुपविसइ, अणुपविसित्ता सीहासणवरगए पुरत्थाभिमुहे सन्निसन्ने, तएणं ताओ अंते उरियाओ सुबाहुदारियं पट्टयंसि दुरूहेति दुरूहित्ता सेयपीयएहिं कलसेहिं पहाणेति, पहाणित्ता सव्वालंकारविभूसियं करेंति करित्ता पिउणो पायं वंदिउं उव.
શ્રી જ્ઞાતાધર્મકથાંગ સૂત્રઃ ૦૨