________________
ज्ञाताधर्मकथाङ्गसूत्रे मूलम्-तएणं पडिबुद्धीहाए हत्थिखंधवरगते सकोरंट जाव सेयवरचामराहिं० हयगयरहजोहमहयाभडगचडकरपहकरहिं साकेयनयरं० णिगच्छइ, णिग्गच्छित्ता जेणेव नागघरे तेणेव उवागच्छइ, उवागच्छित्ता हत्थिखंधाओ पच्चोरुहइ, पच्चोरुहित्ता आलोए पणामं करेइ, करित्ता पुप्फमंडवं अणुपविसइ अणुपविसित्ता पासइ तं एगं महं सिरिदामगंडं। तएणं पडिबुद्धी तं सिरिदामगंडं सुइरं कालं निरिक्खइ, निरिक्खित्ता तसि सिरिदामगंडसि जाय विम्हयमणे सुबुद्धिं अमच्चं एवं वयासी-तुमन्नं देवाणुप्पिया ! मम दोच्चंणं बहूणि गामगिर जाव सन्निवेसाई आहिंडसि बहूणि रायईसर जाव गिहाई अणुपविससि तं अस्थि णं तुमं कहिंचि परिसए सिरिदामगंडे दिट्ठपुवे जारिसए णं इमं पउमावई ए देवीए सिरिदामगंडे ?
तएणं सुबुद्धी पडिबुद्धिं रायं एवं वयासी - एवं खलु सामी ! अहं अन्नया कयाइं तुभं दोच्चेणं मिहिलं रायहाणिं गए, तत्थ णं मए कुंभगस्स रन्नो धूयाए पभावईए देवीए अत्तयाए मल्लीए संवच्छरपडिलेहणगंसि दिव्वे सिरिदामगंडे दिपुटवे तस्स णं सिंरिदामगंडस्स इमे पउमावईए सिरिदाम. गंडे सयसहस्सतमं कलं ण अग्घइ, तएणं पडिबुद्धी सुबुद्धिं अमञ्चं एवं वयासी-केरिसिया णं देवाणुप्पिया ! मल्ली विदेहरायवरकन्ना जस्स णं संवच्छरपडिलेहणयंसि सिरिदामगंडस्स पउमावईए देवीए सिरिदामगंडे सयसहस्ततमंपि कलं न अग्घइ ?, तएणं सुबुद्धी पडिबुद्धि इवखागुरायं एवं वयासी
શ્રી જ્ઞાતાધર્મ કથાંગ સૂત્રઃ ૦૨