________________
-
-
अनगारधर्मामृतवर्षिणी टीका अ० ५ सुदर्शनश्रेष्ठीवर्णनम् ९१ पन्नत्ता, तं जहा-सहजायया सहवडियया सहपसुकीलि यया, ते णं समणाणं निग्गंथाणं अभक्खेया, तत्थ णं जे ते धन्नसरिसवया ते दुविहा पन्नत्ता, तं जहा सत्थपरिणया य असत्थ परिणया य, तत्थ णं जे ते असत्थपरिणया ते समणाणं निग्गंथाणं अभक्खया, तत्थ णं जे ते सत्थपरिणया ते दुविहा पन्नत्ता, तं जहा फासुगा य अफासुगा य, अफासुया णं सुया ! नो भक्खया, तत्थ णं जे ते फासुया ते दुविहा पन्नत्ता, तं जहा--जाइया य अजाइया य, तत्थ णं जे ते अजाइया ते अभक्खेया. तत्थ णं जे ते जाइया ते दुविहा पन्नत्ता, तं जहा- एसणिजा य अणेसणिजा य । तत्थ णं जे ते अणेसणिज्जा ते जं अभक्खया, तत्थ णं जे ते एसणिजा ते दुविहा पन्नत्ता, लद्धा य अलद्धा य, तत्थणं जे ते अलद्धा ते अभक्खया, तत्थ णं जे ते लद्धा ते समणाणं निग्गंथाणं भक्खेया, एएणं अटेणं सुया ! एवं बुच्चंति-सरिसवया भक्खया वि, अभक्खेया वि, एवं कुलत्था वि भाणियव्वा, नवरं इमं णाणत्तं-इत्थि कुलत्था य धन्नकुलत्था य इथि कुलत्था तिविहा पन्नत्ता तं जहा-कुलवधूयाइ य कुलमाउयाइ य कुलधूयाइ य, धन्नकुलत्था तहेव, एवं मासा वि, नवरं इमं नाणत्तं-- मासा तिविहा पन्नत्ता, तं जहा--कालमासा य अस्थमासा य, धन्नमासा य, तत्थ णं जे ते कालमासा ते णं दुवालसविहा पन्नत्ता तं जहा-सावणे जाव आसाढे, ते णं अभक्खया धन्नमासा तहेव ।
શ્રી જ્ઞાતાધર્મ કથાંગ સૂત્રઃ ૦૨