________________
३३६
ज्ञाताधर्मकथाङ्गसूत्रे सि' एवं खलु अम्मयाओ ! माणुस्सए भवे अद्भुवे अणियए असासए वसणसववाहिभूए विजुलया चंचले अणिच्चे जलबुब्बुयसमाणे कुसग्गजलबिंदु णिभे संझन्भरागसरिसे सुविणदंसणोवमे सडणपडणविद्वेसण धम्मे पच्छापुरं च णं अवस्स विप्पजहणिजे से केणं जाणइ अम्मयाओ ! के पुच्विंगमणाए ? के पच्छा गमणाए तं इच्छामिणं अम्मयाओ ! तुब्भे हि अब्भणुष्णाए समाणे समणस्स भगवओ महावीरस्स अंतिए मुंडे भवित्ता अगाराओ अणगरियं पव्वइत्तए ! तपणं तं मेहंकुमारं अम्मापियरो एवं वयासी- इमाओ ते जाया ! सरिसियाओ सरिससत्तयाओ सरिसव्वयाओ सरिसलावण्णरुव जोव्वणगुणोववेयाओ सरिसेहिंता रायकुलेहिंतो आणियल्लियाओ भारियाओ तं भुंजाहि णं जाया ! एयाहिं सद्धिं विपुले माणुस्सर कामभोगे तओ पच्छा भुक्तभोगे समणस्स भगवओ महावीरस्स जाव पव्वइस्ससि । तणं से मेहेकुमार अम्मापियरं एवं वयासी - तहेव णं एम्मयाओ ! जपणं तुब्भे ममं ऐवं वदह - 'इमाओ ते जाया ! सरिसियाओ जाव समणस्स३ पव्वइस्ससि' एवं खलु अम्मयाओ ! माणुस्सगा कामभोगा असुई असासया वंतासवा पित्तासवा खेलासवा सुक्कासवा सोणिया सवा दुरुस्सासा दुरुवमुत्तपुरीस पूयबहुपडि पुण्णउच्चार पासवणखेल जल्लसिंघाडगवंतपित्तमुक्क सोणिय संभवा अधुवा अणिइया असासया सडणपडणविद्धं सणधम्मा किंपागफलोवमा पच्छा पुरंच णं अस्सं विप्पहणिजा से केणं अम्मयाओ ! जाणइ के पुगिमाए ? के पच्छा गमणाए ? तं इच्छामिणं अम्मयाओ जाव पव्वइत्तए |सू० २८||
શ્રી જ્ઞાતાધર્મ કથાંગ સૂત્ર ઃ ૦૧