________________
अनगारधर्मामृतवर्षिणी टोका.सू.१३ अकालमेघदोहदनिरूपणम्
१७५
चेडियाओ धारिणीए देवीए अणाढइज्जमाणीओ अपरिजाणिजमा. णीओ तहेव संभंताओ समाणीओ धारिणीए देवीए अंतियाओ पडिनिक्खमंति पडिनिक्लमित्ता जेणेव सेणिए राया तेणेव उवागच्छंति, उवागच्छित्ता करयलपरिगहियं जाव कडे जएणं विजएणं वद्धाति, वद्धावित्ता एवं वयासी-एवं खलु सामी ! किंपि अन्ज धारिणी देवी ओलुग्गा ओलुग्गसरीरा जाव अट्टझाणोवयगया झियायइ । तएणं से सेणिए राया तासिं अंगपाडियारियाणं अंतिए यमदं सोचा णिसम्म तहेव संभंते समाणे सिग्धं तुरियंचवलं वेइयं जेणेव धारिणी देवी तेणेव उवागच्छइ उवागच्छित्ता धारिणी देवी ओलुग्गं ओलुग्गसरीरं जाव अट्ठझाणोवगयं झियायमाणि पासइ पासित्ता एवंवयासीकिनं तुमे देवाणुपिए । ओलुग्गा ओलुम्गसरीराजाव अदृझाणोवगया झियायसि ? । तएणं सा धारिणीदेवी सेणिएणं रन्ना एवं वुत्ता समाणी नो आढाइ जाव तुसिणीया संचिटूइ । तएणं से सेणिए राया धारिणी देवी दोच्चपि तञ्चपि एवं वयासी-किन्नं तुमे देवाणुप्पिए । ओलुग्गा जाव झियायसि ? । तएणं सा धारिणी देवी सेणिएणं रन्ना दोच्चंपि तच्चपि एवंवुत्ता समाणी णो आढाइ णो परिजाणाइ तुसिणीया संचिटुइ । तएणं सेणिए राया धारिणीं देवीं सवहसावियं करेइ, करित्ता एवं वयासी-किण्णंतुमंदेवाणुप्पिए। अहमेयस्स अट्टस्स अरिहे सवणयाए ताणं तुम ममं अयमेयारूवं मणोमाणसियं
શ્રી જ્ઞાતાધર્મ કથાંગ સૂત્રઃ ૦૧