________________
१७४
ज्ञाताधर्म कथासूत्रे मूलम्--तएणं साधारिणी देवी तंसि दोहलंसि अविणिजमाणंसि असंपन्नदोहला असंपुन्नदोहला असंमाणियदोहला सुक्का भुक्खा णिम्मंसा ओलुग्गा ओलुग्गा सरीरा पमइलदुब्बला किलंता ओमंथिय वयणनयणकमला पंडुइयमुहा करयलमलियव्व चंपगमाला णित्तेया दीणविवण्णवयणा जहोचियपुप्फगंधमल्लालंकारहारं अणभिलसमाणी कीडारमणकिरियं च परिहावेमाणीदीणा दुम्मणा निराणंदा भूमिगय दिट्टिया ओहयमणसंकप्पा जाव झियायइ । तएणं तीसे धारिणीए देवीए अंगपडियाओ अभितरियाओ दासचेडियाओ धारिणी देवी ओलुग्गं जाव झियायणि पासंति पासित्ता एवं वयासी-किणं तुमे देवाणुप्पिए ! ओल्लुग्गा ओलुग्गसरीरा जाव झियायसि ?, तएणं सा धारिणीदेवी ताहिं अंगपडियारियाहि अभितरियाहिं दासचेडियाहिं एवं वुत्ता समाणी ताओ दासचेडियाओ नो आढाइ णो परियाणाइ अणाढायमाणी अपरियाणमाणी तुसिणीया संचिटइ । तएणं ताओ अंगपरियारियाओ अभितरियाओ दासचेडियाओ धारिणी देवी दोचंपि तच्चपि एवं वयासी-किन्नं तुमे देवाणुप्पिए ! ओलुग्गा ओलुग्गसरीरा जाव झियायसि ? । तएणं सा धारिणी देवी ताहिं अंगपडियारियाहिं अभितरियाहिं दासचेडियाहिं दोच्चंपि तच्चपि एवं वुत्ता समाणी णो अढाइ णो परियाणाइ अणाढायमाणी अपरिजाणमाणी तुसिणीया संचिंटूइ । तएणं ताओ अंगपडियारियाओदास
શ્રી જ્ઞાતાધર્મ કથાંગ સૂત્રઃ ૦૧
