________________
प्रमेयचन्द्रिका टीका श०२५ उ.७ २०९ प्रायश्चित्तप्रकारनिरूपणम् १९ दव्वाभिग्गहचरए जहा उववाइए जाव सुद्धेसणिए, संखादत्तिए । से तं मिक्खायरिया। से किं तं रसपरिच्चाए रसपरिच्चाए अणेगविहे पन्नत्ते तं जहा निविगिइए, पणीयरसविवजए जहा उववाइए जाव लूहाहारे। से तं रसपरिच्चाए। से किं तं कायकिलेसे, कायकिलेसे अणेगविहे पन्नत्ते तं जहा ठाणाइए, उक्कुडुयासणिए, जहा उववाइए, जाव सव्वगायपरिकम्मए-विभूसविप्पमुक्के। से तं कायकिलेसे। से किं तं पडिसंलीणया, पडिसंलीणया चउम्विहा पन्नत्ता तं जहाइंदियपडिसंलीणया, कसायपडिसलीणया जोगपडिसंलीणया विवित्तसयणासणसेवणया। से किं तं इंदियपडिसंलीणया, इंदियपडिसंलोणया पंचविहा पन्नत्ता तं जहा सोइंदिय विसयप्पयारणिरोहोवा, सोइंदियविसयप्पत्तेसु वा अत्थेसु रागदोसविणिग्गहो चक्खिदिय०, एवं जाव फार्सिदियविसयप्पयारणिरो होवा, फासिंदियविलयप्पत्तेसु वा अत्थेसु रागदोसविणिग्गहो, से तं इंदियपडिसलीणया। से कि तं कसायपडिसंलोणया, कसायपडिसंलीणया चउठिवहा पन्नत्ता तं जहा कोहोदयनिरोहो वा उदयप्पत्तस्स वा कोहस्स विफलीकरणं, एवं जाव लोभो. दयनिरोहो वा उदयपत्तस्स वा लोभस्स विफलीकरणं । से तं कसायपडिसंलीगया। से किं तं जोगपडिसंलीणया जोगपडिसंलीणया तिविहा पन्नत्ता तं जहा अकुसलमणनिरोहो वा कुसलमणउदीरणं वा मणस्स वा एगत्तीभावकरणं, अकुसलबहनिरोहो वा, कुसलवइउदीरणं वा वइए वा एगत्तीभावकरणं । से किं तं कायपडिसंलीणया, कायपडिसलीणया जण्णं सुसमा. हियपसंतसाहरियपाणिपाए कुम्मोइव गुतिदिए अल्लीणे पल्लीणे
શ્રી ભગવતી સૂત્ર : ૧૬
