________________
प्रमेयचन्द्रिका टीका श०२५ उ.७ सू०५ लेश्यादिद्वारनिरूपणम्
लेश्यादिद्वारेषु आह - 'सामाइयसंजए णं भंते ।' इत्यादि,
मूलम् - सामाइयसंजए णं भंते! किं सलेस्से होज्जा अलेस्से होज्जा गोयमा ! सलेस्से होज्जा जहा कसायकुसीले । एवं छेदोवावणिए वि । परिहारविसुद्धिए जहा पुलाए सुहुमसंपराए जहा णियंठे । अहक्खाए जहा पुलाए । णवरं जइ सलेस्से होज्जा एगाए सुकलेस्साए होज्जा १९ । सामाइयसंजए णं भंते! किं वडूमाणपरिणामे होज्जा हीयमाणपरिणामे अवट्ठियपरिणामे होज्जा ? गोयमा ! वडूमाणपरिणामे जहा पुलाए। एवं जाव परिहारविसुद्धिए । सुहुमसंपराए पुच्छा गोयमा ! वडूमाणपरिणामे वा होज्जा, हीयमाणपरिणामे वा होज्जा, णो अवडियपरिणामे होज्जा । अहक्खाए जहा नियंठे । सामाइयसंजए णं भंते! केवइयं कालं वडमाणपरिणामे होज्जा ? गोयमा ! जहनेणं एकं समयं जहा पुलाए। एवं जाव परिहारविसुद्धिए । सुहुमसंपरायसंजए णं भंते! केवइयं कालं वडमाणपरिणामे होज्जा ? गोयमा ! जहन्नेणं पक्कं समयं उक्कोसेणं अंतोमुहुत्तं । केवइयं कालं हीयमाणपरिणामे होज्जा ? एवं चैव । अहक्खाय संजए णं भंते! केवइयं कालं वड्ढमाणपरिणामे होजा ? गोयमा ! जहन्नेणं अंतोमुहुत्तं उक्कोसेण वि अंतोमुहुतं । केवइयं कालं अवडियपरिणामे होज्जा ? गोयमा ! जहन्त्रेणं एकं समयं उक्कोसेणं देसूणा पुत्रकोडी २० । सामाइयसंजए णं भंते ! कइकम्मपगडीओ बंधइ ? गोयमा ! सत्तविहबंधए वा अट्ठविहबंध वा एवं जहां बउसे । एवं जाव परिहारविसुद्धिए । सुहुमसंपरायसंजर पुच्छा गोयमा ! आउयमोहणीयवज्जाओ छ कम्मपगडीओ बंधइ, अह्क्वायसंजए जहा सिणाए २१ ।
શ્રી ભગવતી સૂત્ર : ૧૬
३३९
