________________
१२०
भगवती कसायकुसीले जहा पुलाए णवरं उक्कोसेणं अणुत्तरविमाणेसु उववज्जेज्जा। णियंठे गं भंते !० एवं चैव जाव वेमाणिएसु उववज्जमाणे अजहन्नमणुकोसेणं अणुत्तरविमाणेसु उववज्जेजा। सिणाए णं भंते ! कालगए समाणे किं गई गच्छइ ? गोयमा! सिद्धिगई गच्छइ । पुलाएणं देवेसु उववज्जमाणे किं इंदत्ताए उववज्जेज्जा सामाणियत्ताए उववज्जेज्जा तायत्तीसाए उववज्जेज्जा लोगपालत्ताए उववज्जेज्जा अहमिंदत्ताए वा उवव. ज्जेज्जा ? गोयमा ! अविराहणं पडुच्च इंदत्ताए उववज्जेज्जा तायत्तीसाए उववजेज्जा लोगपालत्ताए उववज्जेजा नो अहमिंदसाए उववजेजा। विराहणं पडुच्च अन्नयरेसु उववज्जेज्जा। एवं बउसे वि एवं पडिसेवणाकुन्तीलेवि। कसायकुसीले पुच्छा, गोयमा अविराहणं पडुच्च इंदत्ताए वा उववज्जेज्जा जाव अहमिंदत्ताए वा उववज्जेज्जा, विराहणं पडुच्च अन्नयरेसु उववज्जेज्जा।णियंठे पच्छा गोयमा! अविराहणं पडुच्च णो इंदत्ताए उववज्जेज्जा, जाव णो लोगपालत्ताए उववज्जेज्जा, अहमिंदत्ताए उववज्जेजा विराहणं पडुच्च अन्नयरेसु उववज्जेज्जा । पुलायस्स णं भंते! देवलोएसु उववज्जमाणस्स केवइयं कालं ठिई पन्नत्ता ? गोयमा! जहन्नेणं पलिओवमपुहुत्तं उक्कोसेणं अट्ठारससागरोवमाई।बउसस्स पुच्छा गोयमा ! जहन्नेणं पलिओवमपुहुत्तं उक्कोसेणं बावीसं सागरोवमाइं। एवं पडिसेवणाकुसीले वि। कसायकुसीलस्स पुच्छा गोयमा ! जहन्नेणं पलिओवमपुहुत्तं उक्कोसेणं तेत्तीसं सागरोवमाइं। णियंठस्स पुच्छा गोयमा ! अजहन्नमणुक्कोसेणं तेत्तीसं सागरोवमाई ॥सू० ६॥
શ્રી ભગવતી સૂત્રઃ ૧૬
