________________
२२८
भगवतीसूत्रे जहा जाइया य अजाइया य तत्थ णं जे ते अजाइया ते णं समणाणं णिग्गंथाणं अभक्खेया तत्थ गंजे ते जाइया ते दुविहा पन्नत्ता तं जहा लद्धा य अलद्धा य तत्थ णं जे ते अलद्धा ते समणाणं णिग्गंथाणं अभक्खेया तत्थ णं जे ते लद्धा ते णं समणाणं णिग्गंथाणं भक्खेया से तेणटेणं सोमिला! एवं वुच्चा जाव अभक्खेया वि। मासा ते भंते ! किं भक्खेया अभक्खया? सोमिला! मासा मे भक्खया वि अभक्खेया वि से केणटेणं जाव अभक्खेया वि ? से नूणं ते सोमिला बंभन्नएसु नएसु दुविहा मासा पन्नत्ता तंजहा दव्वमासा य कालमासा य तत्थ णं जे ते कालमासा ते णं सावणादीया आसाढपजवसाणा दुवालसं पन्नत्ता तं जहा सावणए भवए आसोए कत्तिए मग्गसिरे पोसे माहे फग्गुणे चित्ते वइसाहे जेटामूले आसाढे तेणं समणाणं णिग्गंथाणं अभक्खेया तत्थ णं जे ते दव्वमासा ते दुविहा पन्नत्ता तं जहा अस्थमासा य धन्नमासा य तत्थ णं जे ते अस्थमासा ते दुविहा पन्नत्ता तं जहा सुवन्नमासा य रुध्वमासा य ते णं समणाणं णिग्गंथाणं अभक्खेया तत्थ णं जे धण्णमासा ते दुविहा पन्नत्ता तं जहा सत्थपरिणया य असत्थपरिणया य एवं जहा धन्नसरिसवया जाव से तेणटेणं जाव अभक्ख्या वि। कुलस्था ते भंते ! किं भक्खया अभक्खया? सोमिला ! कुलस्था भक्खेया वि अभक्खेया वि। से केणट्रेणं जाव अभक्खेया वि ? से नणं सोमिला! ते बंभन्नएसु नएसु
શ્રી ભગવતી સૂત્ર : ૧૩