________________
%
D
प्रमेयचन्द्रिका टीका श० १६ उ०४ सू० १ कर्मक्षपणनिरूपणम् १०३ भंते! एवं वुच्चइ, जावइयं अन्नगिलायए समणे णिग्गंथे कम्म निज्जरेइ, एवइयं कम्मं नरएसु नेरइया वासेणं वा, वासेहिं वा, वाससएण वा णो खवयंति, जावइयं चउत्थभत्तिए, एवं तं चेव पूवंभणियं उच्चारेयव्वं जाव वासकोडाकोडीए वा णो खवयंति ? गोयमा! से जहानामए केइपुरिसे जुने जराजज्जरियदेहे सिढिलतयावलितरंगसंपिणद्धगत्ते पविरलपरिमडियदंतसेढी उण्हाभिहए तण्हाभिहए आउरे झुझिए पिवासिए दुब्बले किलंते एगं महं कोसंबगंडियं सुकं जडिलं गठिल्लं चिकणं बाइद्धं अपत्तियं मुंडेण परसुणा अवक्कमेजा, तए णं से पुरिसे महंताई महंताई सद्दाई करेइ नो महंताई महंताई दलाई अवद्दालेई, एवामेव गोयमा नेग्इयाणं पावाई कम्माइं गाढीकयाई चिक्कणीकयाई, एवं जहा छ?सए जाव नो महापज्जवसाणा भवंति। से जहानामए केइ पुरिसे अहिंगरणिं आउडेमाणे महया जाव नो महापज्जवसाणा भवंति। से जहानामए केइपुरिसे तरुणे बलवं जाव मेहावी निउणसिप्पोवगए एगं महं सामलिगंडियं उल्लं अजडिलं अगंठिलं अचिकणं अवाइद्धं सपत्तियं अइतिक्खेण परसुणा अवकज्जा , तए णं से पुरिसे नो महंताई महंताइ सदाई करेइ महंताई महंताई दलाई अवदालेइ, एवामेव गोयमा! समगाणं णिग्गंथाणं अहाबायराई कम्माइं सिढिलीकयाई णिट्रियाइं विप्परिणामियाई खिप्पामेव परिविद्धत्थाई भवंति
શ્રી ભગવતી સૂત્ર : ૧૨