________________
६८२
भगवतीस्त्रे नो साइज्जइ तस्स णं तंसि सरीरगंसि अगणिकाए संभवइ, से णं सएज तेएणं सरीरगं झामेइ, झामित्ता तओ पच्छा सिज्झइ जाव अंतं करेइ, से तं सुद्धपाणए।
तत्थ णं सावस्थीए नयरीए अयंपुले णामं आजीविओवासए परिवसइ, अड्डे जाव अपरिभूए, जहा हालाहला जाव आजीवियसमएणं अपाणं भावेमाणे विहरइ। तए णं तस्त अयंपुलस्स आजीविओवासगस्स अन्नया कयाइ पुठवरत्तावरत्तकालसमयंसि कुडुंबजागरियं जागरमाणस्स अयमेयारूवे अज्झथिए जाव समुप्पज्जित्था-किं संठिया हल्ला पण्णता?। तए णं तस्स अयंपुलस्स आजीविओवासगस्स दोच्चंपि अयमेयारूवे अज्झथिए जाव समुप्पज्जित्था-एवं खलु ममं धम्मायरिए धम्मोवदेसए गोसाले मंखलिपुत्ते उप्पन्ननाणदसणधरे जाव सव्वन्नू सव्वदरिसी इहेव सावत्थीए नयरीए हालाहलाए कुंभकारीए कुंभकारावसि आजीवियसंघसंपरिबुडे आजीवियसमए णं अप्पाणं भावेमाणे विहरइ, तं से यं खलु मे कल्लं जाब जलंते गोसालं मंखलिपुत्तं वंदित्ता जाव पज्जुवासित्ता, इमं एयारूवं वागरणं वागरित्तए तिकटु एवं संपेहेड, संपेहिता, कल्लं जाव जलंते पहाए कय जाव अप्पमहग्धाभरणालंकियसरीरे साओ गिहाओ पडिनिक्खमइ, पडिनि क्खमित्ता, पायविहारचारेणं सावस्थि नयरी मज्झं मज्झेणं जेणेव हालाहलाए कुंभकारीए कुंभकारावणे तेणेव उवागच्छइ, उवा
શ્રી ભગવતી સૂત્ર: ૧૧
