________________
भगवतीसूत्रे अन्ना। तए णं से गोसाले मंखलिपुत्ते सव्वाणुभूइ णामं अणगारेणं एवं वुत्ते समाणे आसुरत्ते५, सवाणुभूई अणगारं तवेणं तएणंएगाहचं कूडाहचं जाव भासरासिं करेइ । तएणं से गोसाले मंखलिपुत्ते सव्वाणुभूइं अणगारं तवेणं तेएणं एगाहचं कूडाहचं जाव भासरासिं करेत्ता दोच्चंपि समणं भगवं महावीरं उच्चाचयाहि आउसणाहिं आउसइ, जाव सुहं नस्थि, तेणं कालेणं तेणं समएणं, समणस्स भगवओ महावीरस्स अंतेवासी कोसल. जाणवए सुणक्खत्ते णामं अणगारे पगइभदए, विणीए, धम्मायरियाणुरागेणं जहा सव्वाणुभूई तहेव जाव सच्चेव ते सा छाया, नो अन्ना। तए णं से गोसाले मंखलिपुत्ते, सुणक्खतेणं अणगारेणं एवं वुत्ते समाणे आसुरत्ते५, सुनक्खत्तं अणगारं तवेणं तेएणं परितावेइ। तए णं से सुनक्खत्ते अणगारे गोसालेणं मंखलिपुत्तेणं तवेणं तेएणं परिताविए समाणे जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो वंदइ, नमसइ, वंदित्ता, नमंसित्ता सयमेव पंचमहाव्वयाइं आरुहेइ, आरुहिता, समणाय समणीओ य खाभेइ, खामेत्ता आलोइय पडिकंते समाहिपत्ते आणुपुठवीए कालगए। तए णं से गोसाले मंखलिपुत्ते सुनक्खत्तं अणगारं तवेणं तेएणं परितावेत्ता तच्चपि समणं भगवं महावीरं उच्चावयाहिं आउसणाहिं आउसइ, सव्वं तं चेव जाव सुहं नत्थि। तए णं समणे भगवं महावीरे गोसालं मंखलिपुत्तं
શ્રી ભગવતી સૂત્ર: ૧૧
