________________
५५२
भगवतीसूत्रे तावणिजं महत्थं महग्धं महरिहं ओरालं सुवन्नरयणं आसाएति। तए णं ते वणिया हट्टतुट्ट० भायणाई भरेंति, भरित्ता पवहणाई भरेति, भरित्ता तच्चंपि अन्नमन्नं एवं वयासी-एवं खलु देवागुप्पिया! अम्हे इमस्स वम्मीयस्स पढमाए वप्पाए भिन्नाए ओराले उदगरयणे आसादिए, दोच्चाए वप्पाए भिन्नाए ओराले सुवन्नरयणे आसाइए, तं सेयं खलु देवाणुप्पिया! अम्हं इमस्स वम्मीयस्स तच्चपि वप्पिं भिंदित्तए, अवियाइं एत्थ ओरालं मणिरयणं आसाएस्सामो। तए णं ते वणिया अन्नमन्नस्स अंतियं एयमद्रं पडिसुणेति, पडिसुणित्ता तस्स वम्मीयस्स तच्चं पि वप्पि भिंदति, ते णं तत्थ विमलं निम्मलं नित्तलं निकलं महत्थं महग्धं महरिहं ओरालं मणिरयणं आसादेति। तए गं ते वणिया हट्टतुट्ट० भायणाइं भरेंति भरेत्ता, पवहणाई भरेंति, भरेत्ता चउत्थंपि अन्नमन्नं एवं वयासी-एवं खलु देवाणुप्पिया! अम्हे इमस्स वम्मीयस्स पढमाए वप्पाए भिन्नाए ओराले उदगरयणे आसाइए दोच्चाए वप्पाए भिन्नाए ओराले सुवण्णरयणे आसाइए तच्चाए वप्पाए भिन्नाए ओराले मणिरयणे आसाइए, तं सेयं खलु देवाणुप्पिया! अम्हं इमरस वम्मीयस्स चउत्थं पि वपि भिंदित्तए, अवियाइं उत्तमं महग्धं महरिहं ओरालं वदररयणं आसाएस्सामो। तए णं तेसिं वणियाणं एगे वणिए हियकामए सुहकामए पत्थकामए आणुकंपिए, निस्सेयसिए हियसुहनिस्सेयसकामए ते वणिए एवं
શ્રી ભગવતી સૂત્ર: ૧૧
