________________
प्रमेयचन्द्रिका टीका श० १५ उ० १ सू० ९ गोशालकवृत्तान्तनिरूपणम् ५५१ अभिनिस्सडाओ तिरियं सुसंपग्गहियाओ अहे पन्नगद्धरूवाओ पन्नगद्धसंठाणे संठियाओ पासादीयाओ जाव पडिरूवाओ। तए णं तं वाणिया हट्टतुट्र० अन्नमन्नं सदावेंति, सदावेत्ता एवं वयासी-एवं खलु देवाणुप्पिया! अम्हं इमीसे अगामियाए जाव सव्वओ समंता मग्गणगवेसणं करेमाणेहिं इमे वणसंडे आसादिए किण्हे किण्होभासे, इमस्स णं वणसंडस्स बहुमज्झदेसभाए इमे वम्मीए आसादिए, इमस्स णं वम्मीयस्स चत्तारि वप्पाओ अब्भुग्गयाओ जाव पडिरूवाओ, तं सेयं खल्लु देवाणुप्पिया! अम्हं इमस्स बम्मीयस्स पढमं वपि भिंदित्तए अवियाई ओरालं उदगरयणं अस्सादेस्सामो। तए णं ते वणिया अन्नमन्नस्स अंतियं एयमटुं पडिसुणेति, पडिसुणित्ता तस्स वम्मीयस्स पढमं वप्पिं भिंदंति, ते णं तत्थ अच्छं पत्थं जच्चं तणुयं फालियवन्नाभं ओरालं उदगरयणं आसादेति। तए णं ते वणिया हट्टतुटू० पाणियं पिबंति, पिबेत्ता वाहणाई पज्जेंति, पज्जेत्ता भायणाई भरेंति, भरेत्ता दोच्चंपि अन्नमन्नं एवं वयासी. एवं खलु देवाणुप्पिया! अम्हहिं इमस्स वम्मीयस्स पढमाए वप्पाए भिण्णाए ओराले उदगरयणं आसाइए, तं सेयं खलु देवाणुप्पिया! अम्हं इमस्स वम्मीयस्स दोच्चंपि वप्पि भित्तिए अवियाइं एत्थ ओरालं सुवन्नरयणं आसाएस्सामो। तए णं ते वणिया अन्नमन्नस्स अंतियं एयमढें पडिसुणेति, पडिसुणित्ता तस्स वम्मीयस्स दोचंपि वप्पिं भिंदंति, ते णं तत्थ अच्छं जचं
શ્રી ભગવતી સૂત્ર: ૧૧
